तस्मिन्युगसहस्रे तु पूर्णे वै द्विजसत्तम 5.1.48.
युगानि सप्ततिं तानि साग्राणि कथितानि ते
चतुर्दशैते मनवः कथिताः कीर्तिवर्धनाः
प्रजानां पतयो व्यास धन्यमेषां प्रकीर्त नम्
मन्वंतरेषु संहाराः संहारांतेषु संभवाः । न शक्यमंतस्तेषां वै वक्तुं वर्षशतैरपि
विसर्गश्च प्रजानां वै संहारस्य च भारत
यत्र तिष्ठंति वै देवाः सर्वे सप्तर्षिभिः सह
पूर्णे युगसहस्रे तु कल्पो निःशेष उच्यते
ब्रह्माणमग्रतः कृत्वा सहादित्यैर्गणैर्द्विज
स स्रष्टा सर्वभूतानां कल्पांते तु पुनःपुनः
स एव विद्यते व्यास महेशा सह संयुतः 5.1.48.
प्रलयो न बाधते व्यास महाकालवनोत्तमे
निरामया निरातंका निर्विकारा युगेयुगे
अत्रैव च वने रम्ये ब्रह्मा लोकपितामहः
मरीचिः कश्यपो रुद्रो येऽन्ये भृग्वादयस्तथा
एवमादौ पुरा व्यास कल्पं कल्पायते तदा
कल्पभेदाः समाख्याता महाकालवने शुभे
तावंति योगलिंगानि वने तिष्ठन्ति सत्तम
पुनःपुनर्भविष्यंति पुरी ह्येषाऽचला स्मृता
प्रतिकल्पेति विख्याता भुवि व्यास भविष्यति
जपं होमं तथा श्राद्धं पितॄनुद्दिश्य देवताः 5.1.48.
प्रतिकल्पामनुप्राप्य दृष्ट्वा देवं महेश्वरम्
प्रसंगतो रजः क्लांतः शिप्रांभसि च मानवाः
मन्वंतरसहस्रेषु काशिवासेषु यत्फलम्
प्रतिकल्पे च कल्पांते सैवासीच्च पुरी शुभा
ये चैतस्य महाभागाः प्रीतिं कुर्वंति मानवाः
यः शृणोति कथां पुण्यां प्रतिकल्पोद्भवां शुभाम्
युगेयुगे यथा जाता तथा ख्याता मयाऽनघ
शिप्रायाश्च कथां पुण्यां पवित्रां पापहारिणीम्
सुन्दरं कुंडमाख्यातं पिशाचमोचनं तथा