चिंतयन्मनसा वीरस्तपः कर्तुं समुद्यतः
ग्रीष्मे पंचाग्निमध्यस्थो ह्यतपत्स महातपाः
स्नात्वा यथोक्तविधिना कृत्वा विष्णोस्तथार्चनम्
मनो विष्णौ समावेश्य विधाय प्राणसंयमम्
तन्मध्ये रविसोमाग्निमण्डलानि यथाविधि
पीतांबरधरं विष्णुं शंखचक्रगदाधरम्
ब्रह्मरूपं हरिं ध्यायञ्जपन्वै द्वादशाक्षरम्
ततो द्विजवरो ध्यात्वा स्तुतिं चक्रे हरेरिमाम् विष्णुशर्माथ तुष्टाव नारायणमतंद्रितः
प्रसीद देवदेवेश प्रसीद कमलेक्षण
जय कृष्ण जयाचिंत्य जय विष्णो जयाव्यय 2.8.1.
जय पापहरानंत जय जन्मज्वरापह
नमः सर्वेश भूतेश नमः कैटभसूदन
नमो देवाधिदेवाय नमो नारायणाय वै
त्वं माता सर्वलोकानां त्वमेव जगतः पिता
त्वं हविस्त्वं वषट्कारस्त्वं प्रभुस्त्वं हुताशनः
शंखचक्रगदापाणे मां समुद्धर माधव
प्रसीद मंदरधर प्रसीद मधुसूदन
आविर्बभूव विश्वात्मा विष्णुर्गरुडवाहनः
शंखचक्रगदापाणिः पीतांबरधरोऽच्युतः
स्तोत्रेणानेन सुमते नष्टपापोऽसि सांप्रतम् ।।2.8.1.
वरं वरय विप्रेन्द्र वरदोऽहं तवाग्रतः
त्वद्भक्तिमचलामेकां मम देहि जगत्पते
श्रीभगवानुवाच भक्तिरस्त्वचला मे वै वैष्णवी मुक्तिदायिनी
इदं स्थानं महाभाग त्वन्नाम्ना ख्यातिमेष्यति
जलं प्रकटयामास गांगं पातालमंडलात्
जलेन तेन भगवान्पवित्रेण दयांबुधिः
चक्रतीर्थमिति ख्यातं ततः प्रभृति तद्द्विज
तत्र स्नानेन दानेन विष्णुलोकं व्रजेन्नरः
ततः स भगवान्भूयो विष्णुशर्माणमच्युतः
विष्णुहरीति विख्याता भक्तानां मुक्तिदायिनी ।।2.8.1.