आतपे चाग्निसेवां वै प्रावृषि मेघडंबरम्
शीर्णपत्र जलाहारो वायुभक्षी निराश्रयः
एवं वर्षसहस्रं तु तपस्तप्तं सुदुश्चरम्
व्रियतां भोऽसुरश्रेष्ठ वरं मत्तोभिवांछितम्
एवमुक्तः स विधिना दैत्यस्त्रिपुरसंज्ञितः त्रिपुर उवाच देवदानगंधर्वपिशाचोरगराक्षसैः
इत्युक्त्वा सहसा ब्रह्मा तत्रैवांतरधीयत
तदारभ्य महादैत्यो देवानां कदनं महत् 5.1.43.
वासयित्वा यत्र तत्र त्रिपुराणि चराणि च
तेषां वै कदनं चक्रे नानोपायेन पापधीः
न जुहुयुश्चाग्निहोत्रं सोमपानं न कर्हिचित्
स्वाहाकारस्वधाकारवषट्कारविवर्जिताः
देवतायतनं नास्ति तथा नो शिवपूजनम्
सदाचारजनो नास्ति दया मानविवर्जिता
एवं व्यास पुरे तस्मिन्नष्टप्रायमिदं जगत्
तेन देवगणाः सर्वे हतप्राया हतौजसः
अन्योन्यकृतसंधाना मंत्रं कृत्वा समा हिताः 5.1.43.
त्रिदशाः कथयामासुरात्मव्यसनकारणम्
जगाम त्रिदशैः सार्धं महाकालवनोतमम्
यत्रावंती पुरी दिव्या सर्वतीर्थनिषेविता
स्नानं दानं जपं होमं कृत्वा रुद्रसरे तदा
ब्रह्मोवाच देवदेव महादेव भक्तानामभयंकर
त्रिपुरोनाम दैत्येंद्रो देवानां कदनं महत्
वासयित्वा पुरस्तिस्रो विस्तीर्णा विचरत्यथ
एवं कृत्वा प्रजाः सर्वाः क्षयं नीताश्चराचराः
ऋषीणामाश्रमाः सर्वे यतीनामायतनानि च ।। एवं कृत्वा सुराः सर्वे भ्रष्टराज्याः पराजिताः ।ऽ
विचरंति यथा मर्त्यास्त्रिपुरेण दुरात्मना ।। 5.1.43.
तस्मात्सर्वप्रयत्नेन वधस्तस्य विचिंत्यताम्
इति श्रुत्वा वचस्तस्य ब्रह्मणः संशितात्मनः
जयोपायं करिष्यामि दैत्यस्यास्य दुरात्मनः
तपश्चरत यूयं वा आत्मनो जयकांक्षिणः