किमागतौ वा त्रिदिवान्महीतलं सहानुगावाश यकश्च कथ्यताम्
त्वया विना नैव सुरालये सुखं महीतले वाथ रसातलेऽ स्ति नः
प्रयच्छ विश्वेश्वर चावयोरिह स्थानं च तीर्थं प्रलयेऽक्षयं च
ददाम्यभीष्टं युवयोरिहालयं प्रजापते ह्युत्तरतस्तव स्थितिः
महाकालो ह्यधोज्वालो जगदात्मा प्रभुः स्थितः
क्रीडार्थं नगरी सृष्टा सर्वभूतहितैषिणा 5.1.40.
भवद्भ्यां हेमशृं गेति यस्माच्च समुदीरिता
एवं कनकशृङ्गेति प्रथमं नाम कथ्यते
जपंतश्च स्थिता यत्र ब्रह्मविष्णुमहेश्वराः
इति श्रीस्कांदे महापुराण एकाशीतिसाहस्र्यां संहितायां पञ्चम आवन्त्यखण्डेऽवन्तीक्षेत्रमाहात्म्ये कनकशृङ्गाभिधानवृत्तांतवर्णनंनाम चत्वारिंशोऽध्यायः
कल्पे तत्पुरुषे पूर्वं वेदविद्भिर्मनीषिभिः
वेधसा सृजितं विश्वं दैत्यदानवरा क्षसम्
देवाश्च दानवाः संख्ये नित्यं स्पर्धासमन्विताः
चारणाः किंनरैः सार्धमेवं ते द्वेषतत्पराः
सर्वे चैव च बलिनो दुर्बलैर्मनुजैः सह
एवमन्योन्यमन्यैश्च निर्मर्यादमिदं जगत्
व्रजामि शरणं देवं शरणार्त्तिहरं हरिम्
ततो ध्यातो महायोगी विश्वरूपधरो हरिः
ब्रह्मन्ध्यातस्त्वया सम्यग्ध्यानयोगेन पश्य माम्
ततो धाता निशम्यैतत्त्यक्त्वा ध्यानमवेक्ष्य तम् 5.1.41.
पाद्येनाचमनीयेन मधुपर्केण केशवम्
ऋते त्वया जगद्विष्णो नैवावस्थातु मर्हति
शास्ता त्वमस्य विश्वस्य विशुद्धस्य च नापरः
देवदानवगंधर्वाः सयक्षो रगराक्षसाः परस्परं विनिघ्नंति तांश्च त्वं रक्षितुं क्षमः
त्वमस्य विश्वस्य चराचरस्य स्थितेः सदा प्राणभृदात्मरूपिणी
त्वया धृतं सर्वमिदं जगद्वै यतस्ततोऽसि त्वमुपेन्द्रसंज्ञः
निवासितं विश्वमिदं त्वयाद्य वासश्च धातोरिति वासुदेवः
सेनानुरूपं जगदेव यस्मादतः स्मृतस्त्वं किल विश्वसेनः
जितं त्वया देव जगत्त्रयं यज्जितेश्च धातोस्त्वमतोऽसि जिष्णुः
त्वमस्य सर्वस्य भवादिराजस्तवास्तु भद्रासनमद्वितीयम 5.1.41.