विष्णुपूजा प्रयत्नेन कर्तव्या श्रद्धयात्र वै
वसिष्ठकुण्डाद्विप्रेंद्र प्रत्यग्दिग्दलमाश्रितम् यत्र स्नानेन दानेन सर्वकामानवाप्नुयात्
पौर्णमास्यां समुद्रस्य स्नानाद्यत्पुण्यमाप्नुयात्
तस्मादत्र विधानेन स्नातव्यं पुत्रकांक्षया
एवं कुर्वन्नरो विद्वान्सर्वपापैः प्रमुच्यते 2.8.7.
सागरान्नैर्ऋते भागे योगिनीकुण्डमुत्तमम्
सर्वार्थसिद्धिदाः पुंसां स्त्रीणां चैव विशेषतः
आश्विने शुक्लपक्षस्य अष्टम्यां च विशेषतः
अत्र स्नानं तथा दानं सर्वं सफलतां व्रजेत्
योगिनीकुंडतः पूर्वमुर्वशीकुण्डमुत्तमम्
पुरा किल मुनिर्धीरो रैभ्यो नाम तपोधनः
तत्तपो विपुलं दृष्ट्वा भीतः सुरपतिस्ततः
ततः सा प्रेषिता तेनाजगाम गजगामिनी
वनफुल्ललताकुञ्जे मञ्जुकूजद्विहंगमे
पुन्नागकेशराशोकच्छिन्नकिजल्कपिंजरे 2.8.7.
सा बभौ कांतिसर्वस्वकोशः कुसुमधन्वनः
अंगप्रभासुवर्णेन सितमौक्तिकशोभिता
विलोमलोचनापांगतरंगधवलत्विषा
कर्णोपलम्बिसंघुष्यद्भृङ्गाढ्यचूतमञ्जरी
तनुमध्या पृथुश्रोणिर्वर्णोद्भिन्नपयोधरा
अपश्यदाश्रमे तस्मिन्मुनिरायतलोचनाम्
त्रिनेत्रवंचनायैव कल्पितां ललनातनुम्
विलोक्य तां विशालाक्षीं मुनिर्व्याकुलितेन्द्रियः
समागता तपोविघ्नहेतवे मम सन्निधौ
उवाच वनिता भूत्वा प्रांजलिर्मुनिमादरात् 2.8.7.
त्वच्छापस्य कथं मुक्तिर्भविता नियतव्रत
तत्र स्नानं कुरुष्वाद्य सौंदर्यं परमाप्नुहि
त्वन्नाम्नैव च विख्यातिं तोयं यास्यति तद्ध्रुवम्
सुन्दरी साऽभवत्क्षिप्रं तत्स्थानं ख्यातिमाययौ
अत्र स्नानं मुनिश्रेष्ठ यः कुर्याद्विधिवज्जनः