वैवस्वताय कालाय दक्षाय मनवे तथा
हरये रविपुत्राय कालिंदीसोदराय च
मंत्रैरेभिर्नमःप्रोक्तैरोंकाराद्यैः सुशोभनैः
संतर्पयेद्यमं देवं तिलपात्रं समाहितः
अनेन विधिना यस्तु संतर्पयेद्यमं विभुम्
रात्रिं तत्राथ संप्राप्य मानवः कामसंयुतः
नमः सूर्याय रुद्राय कालांतपतये नमः
कार्तिकं हि समग्रं तु वर्धंते तस्य संपदः
दिवाकराह्नेऽस्तमिते च सूर्ये दीपस्य वर्त्तिं पुरुष प्रमाणाम्
निक्षिप्य भूमावथ हस्तमात्रं मूर्ध्नि द्विहस्ताष्टदलान्वितस्य 5.1.30.
तत्कर्णिकायां तु महाप्रकाशो देयो हि दीपः परया च भक्त्या
अनंगलग्नं धवलं च वस्त्रं नवं सुरक्तं ह्यथवा सुशुक्लम्
तच्छालिपिष्टोपरि संनिधाय यथा न निर्याति न कंपते च
दलेषु शोभार्थमतीव कुर्यान्मनोरथप्रत्युपलब्धये च
संलिप्य भूमिं त्वथ गोमयेन पुनः सुगंधेन जलेन लिप्त्वा
ततो जलं शीतलमानयित्वा आपूर्य चाष्टौ कलशांस्तु रम्यान्
मध्वाज्ययुक्ता दधिदुग्धपूर्णा नैर्ऋत्यकोणादथ दक्षिणांतम्
प्रजापतिभ्यः क्रमशो हि भक्त्या प्रेतेभ्य इंद्राय तथा पितृभ्यः
गावो हिरण्यं रजतं च वस्त्रं फलानि मूलानि यवाश्च धान्यम्
विद्याधिकेभ्यो द्विजसत्तमेभ्यः पौराणिकेभ्यश्च तथा द्विजेभ्यः 5.1.30.
विमानैः कामिकैर्दिव्यैरप्सरोगणसेवितैः
प्रवरं सर्वतीर्थानां त्रिषु लोकेषु विश्रुतम्
तत्र स्नात्वा शुचिर्भूत्वा यः पश्यति महेश्वरम्
सर्वपापविनिर्मुक्तः स्वकीयकुलसंयुतः
जटाशृंगे नरः स्नात्वा शुचिर्भूत्वा जितेंद्रियः
महातपनमादौ च कृत्वा गच्छेच्छिवं प्रति
इंद्रतीर्थे नरः स्नात्वा दृष्ट्वा चेंद्रेश्वरं शिवम्
कुंडेश्वरं तु यः पश्येच्छिवध्यानपरायणः
गोपतीर्थे नरः स्नात्वा दृष्ट्वा गोपेश्वरं शिवम्
स्नात्वा तु चिपिटातीर्थे शिवं देवं प्रणम्य च