अधोमुखश्चास्थिभंगो यंत्रपीडनकस्तथा
इत्येवमादयः सर्वे नरका भृशदारुणाः
पतंति पुरुषास्तेषु पापकर्मरताश्च ये 5.1.29.
यातनाभिर्विचित्राभी रौद्रकर्म क्षयाद्भृशम्
महावृक्षाग्रशृंगेषु लंब्यंते यमकिंकरैः
अग्निवर्णैः शंकुभिश्च लोहदंडैः सकंटकैः
तत्तत्क्षणात्प्रदीप्तेन वह्निना च विशेषतः
कूटसाक्षी तथाऽसम्यक्पक्षपातेन यो वदेत्
सुरापो ब्रह्महा हर्ता सुवर्णस्य च सूचकः
भ्रूणहा गुरुहंता च गोघ्नश्च मुनिसत्तम
तप्तलोष्ठेषु पच्यंते यस्तु भक्तं परित्यजेत्
कुंभीपाके प्रयात्येव पादैरूर्ध्वैरधोमुखः
स्वामिद्रोही च यो रौद्रस्तप्तकुंभे स पात्यते 5.1.29.
परस्त्रीगामिनो ये च यांति क्रकचने तु ते
देवद्विजपितृद्वेष्टा रत्नदूषयिता च यः
पितृदेवगुरूणां च सपर्यां न करोति यः
अंत्यजेभ्यो ग्रहीता च नरके यात्यधोमुखे
कृतघ्नः पिशुनः क्रूरः कूटमानी विडंबकः
लाक्षामांसरसानां च तिलानां रसकस्य च
मधुहा ग्रामहंता च याति वैतरणीं नरः
कर्मणा मनसा वाचा महानद्यां प्रयांति ते
असिपत्रे प्रयात्येव तथा पर्वविलंघकः
ते यांति नरके घोरे कृष्णसूत्रेऽतिदारुणे 5.1.29.
वृषलीमिथुनो यश्च पततस्तावुभावपि
ते पच्यंते कुभोज्ये च मित्र द्वेषी विशेषतः
पुत्रैरध्यापिता ये तै ते पतंति श्वभोजने
तत्र दुष्कृतकर्माणः पच्यंते यातनागताः
पापं कृत्वा तु बहुलं प्रायश्चित्तपराङ्मुखाः
प्रायश्चित्तं तु तस्यैकं शिवसंस्मरणं परम्
न याति नरकं शुद्धः संक्षीणाखिलपातकः तस्यां दीपः प्रदातव्यो देवदेवस्य चाग्रतः