योजनस्यैव पर्यंतं चतुर्दिक्षूपशोभितम्
द्वाराणि तत्र शोभंते कांचनैः कलशैः स्थितैः
महेश्वरप्रयुक्ताश्च द्वाराध्यक्षा महाबलाः
पिंगलेशः स्थितः पूर्वे बालरूपो विभावसुः
दक्षिणेऽपि महायोगी कायावरोहणेश्वरः
नियुक्तो वै महेशेन वारुणीं दिशमास्थितः
साधकः सर्वकार्याणामादिष्टः शंकरेण सः
मृता रुद्रपुरं यांति विमानैः सार्वकामिकैः 5.1.26.
पंचेशानीं नमस्कृत्य प्रतिलोमानु लोमतः
मुच्यते सर्वपापैस्तु बहुजन्मकृतैरपि
अनेनैव स्वदेहेन रुद्रलोकं स गच्छति
तथा शृणु प्रवक्ष्यामि सर्वपापप्रणाशिनीम्
श्राद्धं कृत्वा महाकालं नत्वा चेशानमीश्वरम्
उपगम्य ततो देवं गणेशं पिंगलेश्वरम्
महाकालेश्वरं प्राप्य भूयः स्नातो जितेंद्रियः
ईशाने गमयेद्रात्रिं कृत्वा वै नक्तभोजनम्
द्वादश्यां पूर्ववत्सर्वं प्रातः स्नात्वा व्रजेन्नरः
त्रयोदश्यामथाप्येवं बिल्वेशं पश्चिमेऽर्चयेत् 5.1.26.
अमावास्यां शुचिः स्नातो महाकालेश्वरं यजेत्
गीतनृत्यादिकं कृत्वा प्रणिपत्य क्षमापयेत्
ब्राह्मणान्भोजयेत्पञ्च शिवभक्तिपरायणान्
पूजयित्वा हिरण्येन सूक्ष्मवस्त्रगुणैर्नवैः
दत्त्वा बिल्वेश्वरे चाश्वं वृषं दत्त्वा तु चोत्तरे
य एवं कुरुते व्यास तस्य पुण्यफलं शृणु
पितृकैर्मातृकैः सार्धं कुलैः स दिवि मोदते
प्रदक्षिणीकृता तेन सप्तद्वीपा वसुन्धरा
यस्तु पद्मावतीं पश्येद्दर्चयेत्पंकजैर्नरः
स्वर्णशृंगाटिकां व्यास कुसुमैः स्वर्णसंनिभैः 5.1.26.
अवन्तिनीं तु यः पश्येद्देवीं त्रैलोक्यविश्रुताम्
अर्चयेत्पंकजैर्भक्त्या यो देवीममरावतीम्