स्नात्वा सरसि रुद्रस्य दृष्ट्वा कोटेश्वरं शिवम्
गन्धैः पुष्पैर्नमस्कारैः संपूज्य त्रिदशेश्वरम्
तत्रैव देवदेवेशः कपालं न्यस्तवान्क्षितौ
कपालमोचनं नाम सर्वपापप्रणाशनम्
तदर्धार्धेन पादेन वित्तशाठ्यविवर्जितः
नमस्कृत्य ततो गच्छेत्कपिलेश्वरमुत्तमम्
हनुमत्केश्वरं देवं ततो गच्छेत्समाहितः
ततो गच्छेन्महादेवं पैप्पलाख्यं सनातनम्
स्वप्नेश्वरं ततो गच्छेद्भक्तिश्रद्धासमन्वितः 5.1.23.
ततो गच्छेन्महादेवमीशानं विश्वतोमुखम्
सोमेश्वरं ततो गच्छेज्जितक्रोधो जितेंद्रियः
वैश्वानरेश्वरं व्यास ततो गच्छेत्समाहितः
बीजपूरकहस्तं तु लकु लीशं ततो व्रजेत्
ततो गच्छेन्महादेवं गद्याणेश्वरमुत्तमम्
अभ्यर्थितः सदा देवैः पूजितः सिद्धिकारणात्
वयोवृद्धं ततो गच्छेन्महाकालं सनातनम्
विघ्ननाशं ततो गच्छेत्प्राणीशं बलमुत्तमम्
तस्य चैव कृते स्नाने लभ्यंते सर्वसिद्धयः
तनयं तमनूल्लंघ्य दंड पाणिं ततो व्रजेत् 5.1.23.
पुष्पदन्तं ततो गच्छेद्भक्तिश्रद्धासमन्वितः
गुह्यं चैव महाकालं ततो गच्छेत्समाहितः
ततो गच्छेत्समाधिस्थो दुर्वासेश्वरमुत्तमम्
श्वासावरोधनं कृत्वा दुर्वाससः समीपतः
तत्रोच्छ्वासो विमोक्त्यस्तामभ्यर्च्य तु सर्वथा
यस्य दर्शनमात्रेण यमलोकं न पश्यति
यस्य दर्शनमात्रेण बधिरत्वं न जायते
न कीर्तयेद्यदा नाम सा यात्रा विफली भवेत्
भक्तियुक्तस्ततो ब्रूयान्नमस्कृत्वा पुनःपुनः
संसारसागराद्धोरान्मामुद्धर जगत्पते 5.1.23.
प्रदक्षिणीकृता तेन सप्तद्वीपा वसुंधरा