कृतो मेऽनुग्रहस्तेषां भक्तानां भक्तिमिच्छताम्
महाकालवने देवा आगतस्य ममानघाः
नामद्वययुतं गुह्यं लोके ख्यातं भविष्यति
कपालव्रतचर्या च मया ह्येषा प्रकीर्तिता
कपालपाणिः संतुष्टो भिक्षा व्रतसमन्वितः 5.1.6.
नंदितः सर्वभूतेषु प्रियाप्रियसमः सदा
जितेंद्रियोऽसर्वसंगो मृद्भस्मोदकसंग्रही
पुण्यतीर्थाश्रमोपेतः स्वरे देवे समाहितः
कपालव्रतमास्थाय पुरा चीर्णं मया स्वयम्
कपालव्रतमेतद्धि दुर्धरं परमाद्भुतम्
महाव्रतं द्विषन्मोहात्पापेनैव स्थितो नरः
महापाशुपतं तस्मान्न हन्यान्न च दूषयेत्
एवं महाव्रतं यस्तु भोजयेच्छ्रद्धयान्वितः
कपालपूरणीं भिक्षां यतीनां यः प्रयच्छति
कपाले भोजनं श्रेष्ठं मार्गोऽयं ब्रह्मसंभवः 5.1.6.
इत्यादिदुष्टदोषश्च तस्य संभाषणादपि 5.1.6.
दृष्ट्वा च शिष्टमथ ३ महाव्रतधरो नरः
एतत्कृतयुगे सर्वं प्रत्यक्षं दृश्यते वने 5.1.6.
पठति य इह लोके तस्य संस्थानमेतत्प्रथितगुणगणौघैरर्चितं दोषहं तत्
रुद्रलोकमभीप्सद्भिर्वस्तव्यं क्षेत्रवासिभिः
किं मनुष्यैरुत स्त्रीभिः सिद्ध्यर्थं ह्याश्रमान्वितैः
नरैः स्त्रीभिश्च वस्तव्यं वर्णैश्चाश्रमवासिभिः
कर्मणा मनसा वाचा रुद्रभक्तैर्यतेन्द्रियैः किं कुर्वाणैर्नरैः कर्म रुद्रभक्तिं ब्रवीहि नः
लौकिकी वैदिकी चान्या भवेदाध्यात्मिकी तथा
ध्यानधारणया बुद्ध्या रुद्राणां स्मरणं हि तत्
व्रतोपवासनियमैर्यतेद्रियनिरोधिभिः
गोघृतक्षीरदधिभिर्गंधरक्तकुशो दकैः
घृतगुग्गुलधूपैश्च कृष्णागरुसुगंधिभिः
वासप्रविसरास्तोत्रैः पताकाव्यजनोच्छ्रितैः 5.1.7.
भक्ष्यभोज्यानुपानैश्च यावत्पूजाक्षतैर्नरैः