देवतानां तु रक्षार्थं श्रूयतामत्र कारणम्
असुरो द्रोहणोनाम बलवान्योगमायिकः
तस्य दैत्यस्य बलिनो दैत्याः परपुरंजयाः
सेंद्रान्निहंतुमिच्छंतो माया प्रच्छन्नचारकाः समुद्ययुः सुरान्हंतुमुद्यता उद्यतायुधाः
तेषां कपालपातेन भूमिनिष्कंपनेन च 5.1.6.
लोकस्थितिविनाशाथ तेषामासीत्समुद्यमः
देवानुग्रहकर्ता त्वं गुणस्मृतिनिषेवितः
दिव्यदृष्टिभिरत्यर्थं यशोऽर्थं भीम नंदिताः
ध्यानसाधननिष्पन्नं यदन्येषां न विद्यते
मनोवाक्कायभावेन दुष्करं दुश्चरं तपः
महता तनुसाध्येन बहुकालार्जितेन वः
ऊचुरुन्नाम्य वक्त्राणि स्थिता जानुभिरीश्वरम्
तदस्माकं प्रवृत्तानां मानुषाणां वरप्रद
रक्षां कुरुष्व देवेश भक्तानामभयंकर
सुदुर्लभान्यपि पुनर्दास्यामि वो वरान्बहून् ।। 5.1.6.
एवमुक्ते भगवता ब्रह्मा वचनमब्रवीत्
प्राप्ता वयं च भगवन्सुपर्याप्तो महावरः
शिव उवाच लोकेऽस्मिन्मम ये भक्ता मया विनिहताश्च ये
सार्धं तत्र जटाजूटैः शिरोभिः शूलपाणयः
येषां विनिग्रहार्थाय युष्मत्संबोधनाय च
कृतो मेऽनुग्रहस्तेषां भक्तानां भक्तिमिच्छताम्
महाकालवने देवा आगतस्य ममानघाः
नामद्वययुतं गुह्यं लोके ख्यातं भविष्यति
कपालव्रतचर्या च मया ह्येषा प्रकीर्तिता
कपालपाणिः संतुष्टो भिक्षा व्रतसमन्वितः 5.1.6.
नंदितः सर्वभूतेषु प्रियाप्रियसमः सदा
जितेंद्रियोऽसर्वसंगो मृद्भस्मोदकसंग्रही
पुण्यतीर्थाश्रमोपेतः स्वरे देवे समाहितः
कपालव्रतमास्थाय पुरा चीर्णं मया स्वयम्
कपालव्रतमेतद्धि दुर्धरं परमाद्भुतम्