नानाद्रुमलताकीर्णं नानापुष्पोपशोभितम्
द्रुमपुष्पभरामोदवासितं यत्सुवायुना
नानागंधरसाढ्यैश्च पक्वापक्वफलोद्भवैः
जीर्णपत्रतृणादीनि शुष्क काष्ठफलानि च
नानापुष्पसमूहानां गन्धमादाय मारुतः 5.1.5.
हरितस्निग्धनिच्छिद्रैः पर्णैरञ्छिद्रकोटरैः
अरोगिदर्शनीयैश्च सुवृत्तैः क्वचि दुद्धतैः
शोभनैर्वायुसंकीर्णैरंकुरैः प्रावृता द्रुमाः
पवनोद्धूतशिखरैः स्पर्शयंति परस्परम्
नागवृक्षाः क्वचित्पुष्पैर्भ्रमरालीनकेस रैः
पुष्पसन्नद्धशिखराः कर्णिकारद्रुमाः क्वचित्
सुपुष्पविभवाटोपैः सिन्दुवारस्य पंक्तयः
क्वचित्क्वचित्कुन्दलताः सुपुष्पाभरणोज्ज्वलाः
अतिविद्रुमशोभाढ्या कासंत्यो यूथिकालताः
शालार्जुनाः क्वचिद्भांति वनोद्देशेषु पुष्पिताः 5.1.5.
अविमुक्तं तु वल्लीभिः पुष्पितास्तु द्रुमास्तथा
चूताश्च तिलकाश्चैव मञ्जरीभिः करैरिव
परस्परं च संयुक्तैस्तिलकाशोकपल्लवैः
फलपुष्पनगा नम्राः पेशलेनेव सज्जनाः
मारुताश्लिष्टसंतुष्टैः पादपाः शालिवारिभिः
पुष्पाणामिव वेगेन स्वशोभार्थं व्रजंति वै
पुष्पशोभाभरनतैः शिखरैः कंपसंयुतैः
भृंगाः पवनविक्षिप्तामृतवल्लीलताश्रिताः
पुष्पाभिः कुन्दवल्लीभिः पादपाः क्वचिदावृताः
द्रुमा णामप्यथाग्रेषु पुष्पिता माधवी लता 5.1.5.
हरिताः कांचनच्छायाः फलिताः पुष्पिता द्रुमाः
पुष्पकिंजल्कबहुलाः किंजल्कबहुलोदराः
शिरीष पुष्पसंकाशाः शुका मिथुनतः क्वचित्
संयुक्ताः सहचारिण्या मयूराश्चित्रबर्हिणः
कूजंति पत्रिसंघाता नानाद्भुतविराविणः