ब्रह्मोवाच नमः शिवायामलसत्त्वचेतसे गुणत्रयातीतविसारितेजसे
नमोऽ स्तु ते सृष्टिविधौ रजोजुषे जगत्स्थितौ सत्त्वमधिष्ठिताय ते
अशेषभूतप्रकृतेः परा य वै परात्मरूपाय नमः शिवाय वै
भूतोयवह्न्यम्बरवायुचंद्रसूर्यात्मरूपाभिरिदं तनूभिः
यानीह तेजांसि जगंति यानि भूतानि भव्यान्यथ कारणानि
अन्तर्हित उवाचेदं ब्रह्मन्संयाच्यतां वरः
स वव्रे मनसा पुत्रं भवं गौरवकारणात्
यस्मान्मां मनसा पुत्रं चतुर्मुख समीहसे 5.1.2.
अयाच्यं याचितं यस्मान्ममांशो नीललोहितः
अन्यद्यस्मात्स्मृतो भक्त्या त्वयाहं पितृभावतः
तस्माद्ब्रह्मेति लोकेऽत्र नाम ख्यातं भविष्यति
लब्ध्वा शापवरावेवं पुत्रसृष्टिं चकार सः
समिद्युक्तेन हस्तेन ललाटं मार्जतोऽभवत्
तदनन्तरमासाद्य उत्ततार सुतोंऽतिकात्
पंचवक्त्रो दशभुजः शूलचापासिशक्तिमान्
सेन्दुः कपर्दं बिभ्राणः सिंहचर्मांबरंधरः
नीललोहितनामेति भव रुद्र पिनाकधृक्
सप्तादौ मानसाञ्जज्ञे सनकादींस्ततोऽपरान् 5.1.2.
अष्टभेदान्सुरान्कृत्वा तिर्यग्योनिं च पंचधा
सृष्टिः सुरादिका जाता कृत्वा ब्रह्माणमप्यधः
ततो ब्रह्माऽवदद्रुद्रमपूज्यो हि त्वया कृतः
तं नीललोहितः प्रोचे भवता नार्चितो ह्यहम्
ततो ब्रह्माऽभवन्मूढो रजसा चोपबृंहितः
मत्तुल्यो नास्ति वै देवो येन सृष्टिः प्रवर्द्धिता
एवं मूढः स पंचास्यो विरंच्योऽभवद्दर्पितः
द्वितीयं वदनं तस्य ऋग्वे दस्य प्रवर्तकम्
सांगोपांगेतिहासांश्च सरहस्यान्ससंग्रहान्
तस्याऽसुराः सुराः सर्वे वक्त्रस्याद्भुततेजसः 5.1.2.
सपुत्रा अपि सोद्वेगा बभूवुर्नष्ट चेतसः
अभिभूतमिवात्मानं मन्यमाना अविद्विषः