एवमुक्तः प्रबुद्धोऽहं पितृभिर्वरवर्णिनि
इन्दुमत्युवाच सत्यमेतन्महाराज यदुक्तोऽसि पितामहैः
यथा सुपुत्रमासाद्य तरंति पितरो नृप
स त्वमाहूय विप्रेंद्रान्धर्मशास्त्रविचक्षणान्
आनयामास राजाऽसौ ततो विप्राननेकशः उवाच विनयोपेतो भार्यया सहितो हितान्॥ 7.3.48.
स्वर्गं यांति सुपुत्रेण तारिताः प्रोच्यतां स्फुटम्
निरयस्था दिवं यांति यद्यपि स्युः सुपापिनः
यत्किंचिदत्र कर्त्तव्यं प्रोच्यतामखिलं हि तत्
तथोक्तास्ते नृपेंद्रेण ब्राह्मणाः सत्यवादिनः
दीक्षा ग्राह्या नृपश्रेष्ठ पुरश्चरणमादितः
स त्वं पापसमाचारो बाल्यात्प्रभृति पार्थिव
सर्वतीर्थाभिषिक्तस्त्वं यदा स्यान्नृपसत्तम
प्रभासादीनि तीर्थानि यानि संति धरातले
मनसा गच्छ दुर्गाणि ददद्दानमनुत्तमम् यन्न याति नृणां राजंस्तीर्थस्नानादिना भुवि
तीर्थयात्रापरो भूत्वा परिबभ्राम मेदिनीम् 7.3.48.
नियतो नियताहारो ददद्दानानि भूरिशः
कस्यचित्त्वथ कालस्य तीर्थयात्रानुषंगतः
स स्नानमकरोत्तत्र श्रद्धापूतेन चेतसा
विमुक्ताः पितरो रौद्रान्नरकात्सुप्रहर्षिताः
तमूचुस्तारिताः सर्वे वयं पुत्र त्वयाऽधुना
आत्मा च पार्थिवश्रेष्ठ स्नानाच्च जलतर्पणात्
कुलसंतारणंनाम तीर्थमेतद्भविष्यति आगच्छानेन देहेन तीर्थस्यास्य प्रभावतः
तं विमानमथारुह्य गतः स्वर्गं च तैः सह
एष प्रभावो राजर्षे कुलसंतारणस्य च
स्वदेहेन गतः स्वर्गमेतन्मे कौतुकं महत् ॥ 7.3.48.
स स्नातो यत्र भूपालस्तन्महच्छ्रेयसे परम्
इति श्रीस्कांदे महापुराण एकाशीतिसाहस्र्यां संहितायां सप्तमे प्रभास खण्डे तृतीयेऽर्बुदखंडे कुलसंतारणतीर्थमाहात्म्यवर्णनंनामाष्टचत्वारिंशोऽध्यायः
तत्र स्नातस्य मर्त्त्यस्य जायते पापसंक्षयः
पितॄणां च परा तुष्टिर्यावदाभूतसंप्लवम्
तेन पूर्वं तपस्तप्तं शत्रूणामिच्छता क्षयम्