तस्मात्प्रतिष्ठिते तस्मिंस्त्रैलोक्यं स्यात्प्रतिष्ठितम्
एताश्चौषधयः सर्वाः सस्याद्याश्चेह भूतले
तस्माद्ब्रह्मादयो देवाः सोमं प्राप्य क्रमाद्द्विजाः
अग्निष्टोमादयो यज्ञास्तथा सोमे प्रतिष्ठिताः
एतस्मात्कारणात्सोमः सर्वेषामधिकः स्मृतः
यथान्येषां सुरेन्द्राणां हर्म्याणि धरणीतले ६.८७.
यैर्येर्नरैर्निशेशस्य प्रासादो विहितः क्षितौ
यन्महेश्वरहर्म्याणां सहस्रेण भवेच्छुभम्
अथ चन्द्रोत्थहर्म्यस्य माहात्म्यं तद्द्विजोत्तमाः तद्विघ्नार्थमिदं प्रोचुर्मेरुमूर्धानमाश्रिताः
सौम्यर्क्षे सोमवारेण सौम्ये मासि च संस्थिते सकारैः पंचभिर्युक्ते काले सोमस्य मंदिरम्
य एकाहेन संपाद्य प्रासादं स्थापयिष्यति
सहस्रगुणितं सम्यक्छ्रद्धापूतेन चेतसा
वंशोच्छेदं समासाद्य नरकं स प्रयास्यति
प्रासादं रात्रिनाथस्य सुपुण्यमपि सद्द्विजाः
प्रासादस्त्वंबरीषेण भूभुजा स विनिर्मितः
तस्यैवोत्तरदिग्भागे द्वितीयोऽन्यः प्रतिष्ठितः ६.८७.
ततश्च तौ महीपालौ तत्प्रभावादुभौ द्विजाः
प्रासादोऽन्यस्तृतीयस्तु क्षेत्रे प्राभासिके तथा
प्रासादत्रयमेतद्धि मुक्त्वात्र धरणीतले एकोऽस्ति नर्मदातीरे पुण्ये रेवोरिसंगमे
एतद्वः सर्वमाख्यातं चन्द्रमाहात्म्यमुत्तमम्
इति श्रीस्कांदे महापुराण एकाशीतिसाहस्र्यां संहितायां षष्ठेनागरखण्डे हाटकेश्वरक्षेत्रमाहत्म्ये सोमप्रासादमाहात्म्यवर्णनंनाम सप्ताशीतितमोऽध्यायः
चमत्कारी महित्था च महालक्ष्मीस्तथाऽपरा
अंबावृद्धा चतुर्थी च तासां तिस्रः प्रकीर्तिताः
एतस्याः सर्वमाचक्ष्व प्रभावं सूतसंभव
यथात्र संस्थिता पूर्वं तत्सर्वं श्रूयतां मम
चमत्कारमहीपेन पुरमेतद्यदा कृतम् चतस्रो देवता ह्येताः संमतेन द्विजन्मनाम्
अथ तस्य महीपस्य अंबानामाभवत्सुता
उभे ते काशिराजेन परिणीते द्विजोत्तमाः
कस्यचित्त्वथ कालस्य काशिराजस्य भूपतेः
अथ तैर्निहतः संख्ये सभृत्यबलवाहनः