इति श्रीस्कांदे महापुराण एकाशीति साहस्र्यां संहितायां षष्ठे नागर खण्डे हाटकेश्वरक्षेत्रमाहात्म्ये महालक्ष्मीमाहात्म्यवर्णनंनाम पञ्चाशीतितमोऽध्यायः
नक्षत्रैः स्थापिता देवी वांछितस्य प्रदायिनी
दक्षस्य तनया पूर्वं सप्तविंशतिसंख्यया
तासां मध्ये ऽभवच्चैका रोहिणी तस्य वल्लभा
ततो दौर्भाग्यसंतप्ताः सर्वा स्ता दक्षकन्यकाः
संस्थाप्य देवतां दुर्गां श्रद्धया परया युताः
ततः कालेन महता तासां सा तुष्टिमभ्यगात्
तस्मात्तत्प्रार्थ्यतां चित्ते यद्युष्माकं व्यवस्थितम्
ततः प्रोचुश्च ताः सर्वाः प्रसादात्तव वांछितम्
एकं पत्युः सुखं मुक्त्वा यत्सौभाग्यसमुद्भवम्
वयं दौर्भाग्यदोषेण सर्वाः क्लेशं परं गताः ६.८६.
मत्प्रसादादसंदिग्धं भविष्यति सुखोदयम्
अन्यापि या पतित्यक्ता स्त्री मामत्र स्थितां सदा
सा भविष्यति सौभाग्ययु्क्ता पुत्रवती सती
अक्षारलवणाशा या नारी मां पूजयिष्यति
आश्विनस्य सिते पक्षे संप्राप्ते नवमीदिने तस्याः सौभाग्यमत्युग्रं सर्वदा वै भविष्यति
एवमुक्त्वा तु सा देवी विरराम द्विजोत्तमाः
एतस्मिन्नंतरे दक्ष आहूतः शूलपाणिना तदयुक्तं कृतं दक्ष जामाताऽयं यतस्तव
ऊढा अखण्डचारित्रास्तास्त्यक्ता दोषवर्जिताः
ततो मयाऽतिकोपेन नियुक्तो राजयक्ष्मणा
मद्वाक्यान्नात्र संदेहः सत्यमेतन्मयोदितम्॥ ६.८६.
त्वयापि यद्वचः प्रोक्तमसत्यं स्यान्न तत्क्वचित्
दक्षोऽपि बाढमित्येव तत्प्रोक्त्वा च ययौ गृहम्
गच्छमानः क्षयं पक्षं वृद्धिं पक्षं च सद्द्विजाः सर्वसौभाग्यदा स्त्रीणां तस्मिन्क्षेत्रे व्यवस्थिता
यश्चैतत्पुरतस्तस्याः संप्राप्ते चाष्टमीदिने
इति श्रीस्कांदे महापुराण एकाशीतिसाहस्र्यां संहितायां षष्ठे नागरखण्डे हाटकेश्वरक्षेत्रमाहात्म्ये सप्तविंशतिकामाहात्म्यवर्णनंनाम षडशीतितमोऽध्यायः
यस्यापि दर्शनादेव मुच्यते पातकैर्नरः
सोमवारे तु संप्राप्ते सोमस्य ग्रहणे नरः
अत्र चंद्रस्य चैवैकः कथं जातः समाश्रयः
एतन्नः सूतपुत्रातिचित्रं मनसि वर्तते