माहात्म्यं सर्वपापानां सद्यो नाशनकारकम् रुद्रशीर्षस्य माहात्म्यं तस्माच्छ्रोतव्यमादरात्
इति श्रीस्कान्दे महापुराण एकाशीतिसाहस्र्यां संहितायां षष्ठे नागरखण्डे श्रीहाटकेश्वरक्षेत्रमाहात्म्ये रुद्रशीर्ष (जागेश्वर )माहात्म्यवर्णनंनामाष्टसप्ततितमोऽध्यायः
लिंगमस्ति सुविख्यातं सर्वपातकनाशनम्
यमाराध्य च तैः पूर्वं शक्रामर्षसमन्वितैः
प्रकोपो वालखिल्यानां संजज्ञे गरुडः कथम्
चकार विधिवद्यज्ञं संपूर्णवरदक्षिणम्
ततः शक्रादयो देवाः सहायार्थं निमंत्रिताः
तथा वेदविदो विप्रा यज्ञकर्मविचक्षणाः
अथ ते वालखिल्याख्या मुनयः संशितव्रताः प्रस्थिता यज्ञवाटं तं भारार्ताः क्लेशसंयुताः
अथ तेषां समस्तानां मार्गे गोष्पदमागतम्
ततस्तरीतु कामास्ते क्लिश्यमाना इतस्ततः
गच्छता तेन मार्गेण मखे दक्षप्रजापतेः जगामाथ समुल्लंघ्य ऐश्वर्यमदगर्वितः॥६.७९.
निवृत्य स्वाश्रमं गत्वा चक्रुर्मंत्रं सनिश्चयम्
शाक्रं पदं समासाद्य यस्मादेतेन पाप्मना
अन्यः शक्रः प्रकर्तव्यो मंत्रवीर्यसमुद्भवः
येन व्यापाद्यते तेन शक्रोऽयं मदगर्वितः
ततस्ते शुचयो भूत्वा स्कंदसूक्तेन पावकम्
गर्भोपनिषदेनैव नीलरुद्रैर्द्विजोत्तमाः
निधाय कलशं मध्ये मंडलस्योदकावृतम्
एतस्मिन्नंतरे शक्रः प्रपश्यति सुदारुणान्
वामो बाहुश्च नेत्रं च मुहुः स्फुरति चास्य वै
शिरोहीनां तथा छायां गगने भास्करद्वयम् ६.७९.
न च मंदं न चाकाशे संस्थितां स्वर्धुनीं हरिः
मुक्तकेशीं विवस्त्रां च कृष्णदंतां भयानकाम्
पप्रच्छ भयसंत्रस्तः किमेतदिति मे गुरो
किं मे भविष्यति प्राज्ञ विनाशः सांप्रतं वद
उल्लंघिताः स्थिता मार्गे गोष्पदं तर्त्तुमिच्छवः
तैरेवाथर्वणैर्मंत्रैस्त्वकृतेऽस्ति शचीपते
युष्माकं सुविनाशाय सर्वदेवाधिनायकः
तस्य तद्वचनं श्रुत्वा सहस्राक्षो भयान्वितः