दुर्योधनेन चालोक्य सर्वपापैः प्रमुच्यते
तत्र संस्थापितं लिगं वद त्वं रौमहर्षणे
सर्वलक्षणसंपन्ना रूपौ दार्यगुणान्विता
तां ददावथ पत्न्यर्थे धार्तराष्ट्राय धीमते
अथ नागपुरात्सर्वे भीष्म द्रोणादयश्च ये
तथा पांडुसुताः पंच परिवारसमन्विताः जग्मुर्द्वारवतीं हृष्टाः सैन्येन महतान्विताः
अथ क्रमेण गच्छंतस्ते सर्वे कुरुपाण्डवाः
सर्वपापहरं पुण्यं यत्र तत्क्षेत्रमुत्तमम्
अथ प्राह विशुद्धात्मा वृद्धः कुरुपितामहः
हाटकेश्वरदेवस्य सर्वपातकनाशनम् ॥ ६.७२.
अत्राहं चैव नि र्मुक्तः स्त्रीहत्योद्भवपातकात्
येन सर्वाणि पश्यामस्तीर्थान्यायतनानि च
अथ तद्वचनाद्राजा धृतराष्ट्रोंऽबिकासुतः
जगाम सत्वरं तत्र यत्र तत्क्षेत्रमुत्तमम्
ब्रह्मघोषेण महता नादितं सर्वतोदिशम् क्रीडामृगैश्च संकीर्णं धावद्भिर्बहुभिस्तथा
ततो निवार्य सैन्यं स्वमुपद्रवभयान्नृपः
भीष्मेण सोमदत्तेन बाह्लीकेन समन्वितः
सौबलेन च कर्णेन तथान्यैरपि पार्थिवैः
तेऽपि सर्वे महात्मानः क्षत्रियास्तत्र संस्थिताः
स्नानं चक्रुर्विधानेन तीर्थेषु द्विजसत्तमाः ६.७२.
दानानि च विशिष्टानि ददुरिष्टानि चापरे
चक्रुः श्राद्धक्रियाश्चान्ये पितॄनुद्दिश्य भक्तितः
अन्ये होमक्रिया भूपा जपमन्ये निरर्गलम्
देवतायतनान्यन्ये माहात्म्यसहितानि च
बलिदानैः सुवस्त्रैश्च गन्धपुष्पोपलेपनैः
मंडनैः पुष्पमालाभिः समंताद्द्विजसत्तमाः कृतार्था ब्राह्मणाः सर्वे कृतास्तै स्तत्र भक्तितः
एवं स्नात्वा तथाऽभ्यर्च्य देवान्विप्रान्नृपोत्तमाः
शंसन्तो विस्मया विष्टास्तीर्थान्यायतनानि च
इति श्रीस्कांदे महापुराण एकाशीतिसाहस्र्यां संहितायां षष्ठे नागरखंडे श्रीहाटकेश्वरक्षेत्रमाहात्म्ये धृतराष्ट्रादिकृतहाटकेश्वरक्षेत्रदर्शनवर्णनंनाम द्विसप्ततितमोऽध्यायः
तस्मात्स्थानात्ततो जग्मुर्यत्र द्वारवती पुरी