ब्रह्मतेजोहतः सोऽपि प्रोक्तस्तेन सुनिष्ठुरम्
ततो भुजवनं तस्य रामः शस्त्रभृतां वरः
ततश्छित्त्वा शिरस्तस्य कुठारेण भृगूद्वहः
पूरयित्वा महाकुम्भाञ्छबरेभ्यो ददौ ततः
हाटकेश्वरजे क्षेत्रे गर्ता मे भ्रातृभिः कृता
प्रक्षिपध्वं द्रुतं गत्वा तस्यां रक्तमिदं महत्
येन तातं निजं भक्त्या तर्पयित्वा विधानतः ६.६७.
इति श्रीस्कांदे महापुराण एकाशातिसाहस्र्यां संहितायां षष्ठे नागरखण्डे हाटकेश्वरक्षेत्रमाहात्म्ये सहस्रार्जुनवधवर्णनंनाम सप्तषष्टितमोऽ ध्यायः
तत्र निन्युः स्थिता यत्र गर्ता सा पितृसंभवा
भार्गवोऽपि च तं हत्वा रक्तमादाय कृत्स्नशः
न स बालं न वृद्धं च परित्यजति भार्गवः
स्वयं जघान भूपान्स तेषां पार्श्वे तथा परान्
तथैवासृक्प्रगृह्णाति गृह्णापयति चादरात्
एवं निःक्षत्रियां कृत्वा कृत्स्नां पृथ्वीं भृगद्वहः
ततस्तै रुधिरैः स्नात्वा समादाय तिलान्बहून्
प्रत्यक्षं सर्वविप्राणां तथान्येषां तपस्विनाम्
ततो निःक्षत्रिये लोके कृत्वा हयमखं च सः
अथ लब्धवरा विप्रास्तमूचुर्भृगुसत्तमम् ६.६८.
तस्मात्त्वं देहि मे स्थानं कृत्वाऽपसरणं स्वयम्
न करोष्यथवा वाक्यं ममाद्य त्वं नदीपते
अपसारं ततश्चक्रे यावत्तस्याभिवांछितम्
इति श्रीस्कांदे महापुराण एकाशीतिसाहस्र्यां संहितायां षष्ठे नागरखण्डे हाटकेश्वरक्षेत्रमाहात्म्ये परशुरामकृतमहीदानपूर्वकसमुद्रापसारणवृत्तान्तवर्णनंनामा ष्टाषष्टितमोऽध्यायः
क्षेत्रजान्ब्राह्मणेभ्यश्च सुषुवुस्तनया न्वरान् । ते वृद्धिं च समासाद्य क्षेत्रजाः क्षत्रियोपमाः
ततस्ते ब्राह्मणाः सर्वे परिभूतिपदं गताः
रामराम महाबाहो या त्वया वसुधा च नः तस्मान्नो देहि तां भूयो हत्वा तान्क्षत्रियाधमान्
ततो रामः क्रुधाविष्टो भूयस्तैः शवरैः सह
तत्रैव क्षत्रियान्हत्वा रक्तमादाय तद्बहु
प्रददौ ब्राह्मणेभ्यश्च वाजिमेधे धरां पुनः
एवं तेन कृता पृथ्वी सर्वक्षत्त्रविवर्जिता
तर्पिताः पितरश्चैव रुधिरेण महात्मना ६.६९.