इति रामो वरं प्रादात्सीतायै च प्रजाप्रियः
सीताकुण्डमिति ख्यातं जनानां परमाद्भुतम्
तत्र स्नानेन दानेन तपसा च विशेषतः रामं संपूज्य सीतां च मुक्तः स्यान्नात्र संशयः
मार्गे मासि च स्नातव्यं गर्भवासो न जायते
विभोर्विष्णुहरेर्विप्र रम्ये पश्चिमदिक्तटे 2.8.6.
तस्य चक्रहरेर्विप्र महिमा न हि मानवैः
ततः पश्चिमदिग्भागे नाम्ना पुण्यं हरिस्मृति यस्य दर्शनमात्रेण सर्वपापैः प्रमुच्यते
तयोर्दर्शनतो यांति तेषां पापानि देहिनाम्
पुरा देवासुरे जाते संग्रामे भृशदारुणे
तेषां पलायमानानां देवानामग्रणीर्हरः
क्षीरोदशायिनं विष्णुं शेषपर्य्यंकशायिनम्
नारदाद्यैर्मुनिवरैरुद्गीतगुगौरवम्
क्षीराब्धिजलकल्लोलमदबिन्द्वंकिताम्बरम्
पीतांबरमतिस्मेरविकाशद्भावभावितम्
रत्नवल्लीमिव स्वच्छां श्वेतद्वीपनिवासिनीम् 2.8.6.
मित्रस्य राहुवित्रासनिवर्त्तनमिवापरम्
परां चतुर्मुखोत्पत्तिकल्पसंकल्पनामिव
तस्मिन्नवसरे शंभुः सर्वदेवगणैः सह
मोह तीव्रतमो हारि चन्द्राय हरये नमः
स्फुरत्संविन्मणिशिखां चित्तसंगतिचंद्रिकाम्
हेलोल्लसत्समुत्साहशक्तिं व्याप्तजगत्त्रयाम्
पवनांदोलितांभोजदलपर्वांतवर्त्तिनाम्
नमः सूर्य्यात्मने तुभ्यं संवित्किरणमालिने
नमस्तस्मै यमवते योगिनां गतये सदा
यज्ञाय भुक्तहविष ऋग्यजुःसामरूपिणे 2.8.6.
शांताय धर्मनिधये क्षेत्रज्ञायामृतात्मने घोराय मायाविधये सहस्रशिरसे नमः
योगनिद्रात्मने नाभिपद्मोद्भूतजगत्सृजे
कार्यमेयाय बलिने जीवाय परमात्मने
दृप्ताय सिंहवपुषे दैत्यसंहारकारिणे
संसारकारणाज्ञानमहासंतमसच्छिदे