नायमत्यंतसंवासः कस्यचित्केनचित्सह
मृतं वा यदि वा नष्टं योतीतमनुशोचति
एवं संबोधयित्वा मां गृहीत्वा ते मुहुर्जनैः
ततो मम गृहस्थस्य स्मरमाणस्य तां प्रियाम्
ततः कोपपरीतेन प्रतिज्ञातं मया स्फुटम्
अद्यप्रभृति चेन्नाहं सर्पं दृष्टिवशं गतम् ६.२९.
यच्च निक्षेपहर्तॄणां यच्च विश्वासघातिनाम्
यत्पापं साधुनिंदायां मातापितृवधे च यत्
परदाररतानां च यत्पापं जीवघातिनाम्
उक्तौ चाभिरतानां च यत्पापं गरदायिनाम्
कृतघ्नानां च यत्पापं परवित्तापहारिणाम्
यत्पापं शस्त्रकर्तृणां तथा वह्निप्रदायिनाम्
व्रतभंगेन यत्पापं व्रतिनां निंदयापि यत्
यत्पापं भ्रूणहत्यायां मृष्टमांसाशिनां च यत्
वृक्षच्छेद प्रसक्तानां यत्पापं शल्यकारिणाम्
पाखंडिनां च यत्पापं नास्तिकानां च यद्भवेत् ६.२९.
मांसमद्यप्रसक्तानां यत्पापं विटभोजिनाम्
मृषावादप्रसक्तानां पररंध्रावलोकिनाम्
यत्पापं साक्ष्यकर्तृणां धान्यसंग्रहकारिणाम्
आखेटकरतानां च यत्पापं पाशदायिनाम्
नित्यं प्रेषणकर्तॄणां यत्पापं मधुजीविनाम्
अदृष्टदेववक्त्राणां यत्पापं मत्स्यजीविनाम्
विवादे पृच्छमानानां पक्षपातेन जल्पताम्
यत्पापं तु भवेत्तेषां निर्दयानां दुरात्मनाम्
कन्याविक्रयकर्तृणां यत्पापं पापसंगिनाम्
विद्याविक्रयकर्तॄणां यत्पापं समुदाहृतम् ६.२९.
एवं मया प्रतिज्ञाय कोपाविष्टेन सूतज
ततःप्रभृत्यहं भूमौ भ्रमामि लगुडायुधः
मया कोपपरीतेन बहवः पन्नगा हताः
एकदाहं वनं प्राप्तो गहनं लगुडायुधः