नियमाः संयमाः सर्वे मंत्रवादास्तथैव च
स्वस्वभावविहीनानि हीनानि च तथा जलैः
तत्र ते संभविष्यंति कुत्सिता ये च मानवाः
वित्तलोभात्प्रदास्यंति कुत्सिताय नराः सुताम्
कन्यकाः प्रकरिष्यंति पुरुषैः सह संगतिम्
सर्वकृत्येषु दुःशीलाः। सुयत्नेनापि रक्षिताः
पीडयिष्यंति निर्दोषान्वित्तलोभादसंशयम्
संत्यक्ष्यंति युगे तस्मिन्प्राणिद्रोहेऽपि वर्तिनम्
प्रमाणं च सुरश्रेष्ठ चतुर्णामप्यसंशयम्
यश्चैतत्कीर्तयेन्मर्त्यः सदैव सुसा माहितः ६.२७.
शृणुयाद्वा नरो यश्च श्रद्धापूतेन चेतसा
प्रभासादीनि तीर्थानि मूर्तानि सकलानि च
तानि श्रुत्वा वचस्तस्य देवाचार्यस्य तादृशम्
यद्येवं देवदेवेश भविष्य त्यशुभं युगम्
पुरंदराद्य चास्माकं स्थानं किंचित्प्रदर्शय
यदाश्रित्य नयिष्यामो रौद्रं कलियुगं विभो पाताले स्वर्गलोके वा मर्त्ये वा सुरसत्तम
तेषां तद्वचनं श्रुत्वा कृपाविष्टः शतक्रतुः
अस्पृष्टं कलिना स्थानं किंचि द्वद बृहस्पते
शक्रस्य तद्वचः श्रुत्वा चिरं ध्यात्वा वृहस्पतिः
हाटकेश्वरमित्युक्तमस्ति क्षेत्रमनुत्तमम्
यत्र पूर्वं तपस्तप्तं विश्वामित्रेण धीमता ६.२८.
यत्र स्थित्वा सभूपालस्त्रिशंकुः पापवर्जितः
यत्र शक्रसमादेशात्पूरितं पांसुभिः पुरा
यत्र रक्षत्यधस्ताच्च स स्वयं हाटकेश्वरः
हाटकेश्वरमाहात्म्यादस्पृष्टं कलिना हि तत्
तस्मास्वांशेन गच्छंतु तत्र तीर्थान्यशेषतः
तच्छ्रुत्वा वचनं तस्य सर्वतीर्थानि तत्क्षणात्
यज्ञोपवीतमात्राणि कृत्वा स्थानानि चात्मनः
एतस्मात्कारणाजात क्षेत्रं पुण्यतमं हि तत्
संगमं सर्वतीर्थानां क्षेत्रे तत्र प्रकीर्तितम्