बुरुडेन च कैवर्तः कैवर्तेन च मेदकः प्रजायन्ते सुरश्रेष्ठ सवकर्मसु गर्हिताः
तथा शूद्रेण संजज्ञे ब्राह्मण्यां सुरसत्तम
एतौ द्वावपि शूद्रेण भवतो द्विजसंभवे
एतत्त्रेतायुगे प्रोक्तं मया ते सुरसत्तम
लक्षाष्टकप्रमाणेन तद्युगं परिकीर्तितम् कपिशो जायते तत्र भगवान्गरुडध्वजः
द्वौ पादौ चैव धर्मस्य द्वौ पापस्य व्यवस्थितौ
ततोऽन्यैः समतिक्रांतैर्वार्धक्यं पञ्चभिः शतैः
नार्यश्चापि सुरश्रेष्ठ तत्स्व रूपाः प्रकीर्तिताः
नातिरूपेण संयुक्ता न च रूपविवर्जिताः
नातिपुष्पफलैर्युक्ता वृक्षाश्चापिसुरेश्वर ६.२७.
वर्षंति जलदाः कामं भवन्त्योषधयोऽखिलाः तत्तत्र समभावेन न सत्यं नैव चानृतम्
तीर्थानां च मखानां च द्वापरे सुरसत्तम
एतत्तव समाख्यातं युगं द्वापरसंज्ञकम्
शृणुष्वावहितो भूत्वा वदतो मम सांप्रतम्
द्वात्रिंशच्च सहस्राणि वर्षाणां कथितं विभो
तत्रैकपादयुक्तश्च धर्मः पापं त्रिभिः स्मृतम्
न शृण्वंति पितुः पुत्रा न स्नुषा भ्रातरो न च
यत्र षोडशमे वर्षे नराः पलित यौवनाः
आयुः परं मनुष्याणां शतसंख्यं सुरेश्वर
द्वात्रिंशद्धयमुख्यानां चतुर्विंशतिः खरोष्ट्रयोः ६.२७.
चतुष्पदानामन्येषां विंशतिः पंचभिर्युता
तथा पापपरा लोका दुःस्थिताश्च विशेषतः सेवितास्तेऽपि गृध्राद्यैर्यत्र च्छायाविवर्जिताः
यत्र धर्मो ह्यधर्मेण पीड्यते सुरसत्तम
गुरवश्च तथा शिष्यैः स्त्रीभिश्च पुरुषाधमाः
यत्र सीदंति धर्मिष्ठा नराः सत्यपरायणाः
आधयो व्याधयश्चैव तथा पीडा महाद्भुता
अल्पायुषस्तथा मर्त्या जायंते वर्णसंकरात्
न वर्षति घनः काले संप्राप्तेऽपि यथोचिते
न च क्षीरप्रदा गावो यद्यपि स्युः सुपोषिताः
लोका भवंति निःश्रीकास्तथा ये च मलिम्लुचाः ६.२७.