यथाजन्म तथा मृत्युः क्रमात्संजायते नृणाम्
न प्रेतत्वं च लोकानां मृतानां तत्र जायते
वेदांतगा द्विजाः सर्वे नित्यं स्वाध्यायशीलिनः
क्षत्रियाश्चापि भूपालमेकं कृत्वा सुभक्तितः
वैश्या वैश्यजनार्हाणि चक्रुः कर्माणि भूरिशः
मुक्त्वैकां द्विजशुश्रूषा न शूद्रास्तत्र चक्रिरे
न तत्र चांत्यजो जज्ञे न च संकरसंभवः
यजनं याजनं दानं व्रतं नियम एव च
एवंविधं सहस्राक्ष मया ते परिकीर्तितम्
ततस्त्रेतायुगं नाम द्वितीयं संप्रवर्तते ६.२७.
सोऽपि साक्षाजगन्नाथः श्वेतद्वीपाश्रयाश्रितः
त्रिपादस्तत्र धर्मः स्यात्पादेनैकेन पातकम्
ततः फलानि वांछंति तीर्थयात्रोद्भवानि ते
ततः कामवशान्मोहं सर्वे गच्छंति मानवाः
ततस्तु रौरवादीनि नरकाणि यमः स्वयम्
कर्मानुसारतस्तानि सेवयंति नराधमाः
त्रिविधाः पुरुषास्तत्र श्रेष्ठाश्चाधममध्यमाः
उन्नतास्तालमात्रेण तेजोवीर्यसमन्विताः
उप्तक्षेत्रं सकृच्चापि सप्तवारं लुनंति ते
यथर्तु पत्रसंयुक्तास्तत्र स्युः सुमनोहराः ६.२७.
इतरेतरसंस्पर्धैः क्रियमाणा नृपोत्तमैः
तीर्थयात्रां व्रतं दानं नियमं संयमं तथा
सहस्रेण तु वर्षाणां तत्र स्याद्यौवनं नृणाम्
रजकश्चर्मकारश्च नटो बुरुड एव च
संभवंति युगे तस्मिन्यो निसंसर्गतो विभो
यथावद्वद कार्त्स्न्येन अत्र कौतूहलं महत्
योनि दोषात्सुरश्रेष्ठ जातेर्वक्ष्याम्यहं स्फुटम्
ब्राह्मण्यां क्षत्रियाज्जातः सूत इत्यभिधीयते
चर्मकारेण संजज्ञे नटश्चांत्यजसंज्ञकः
तथा च मागधो जज्ञे वैश्येन द्विजसंभवे ६.२७.