स त्वं वांछसि चेच्छुद्धिमग्निवर्णं घृतं पिब
स तथेति प्रतिज्ञाय घृतमादाय तत्क्षणात्
तावत्तस्य पिता प्राप्तः श्रुत्वा वार्तां सभार्यकः अश्रुपूर्णेक्षणो दीनो वाष्पगद्गदया गिरा
संचिन्त्य धर्मशास्त्राणि विचार्य च पुनः पुनः ६.२५.
नान्यदस्ति सुरापाने प्रायश्चित्तं द्विजन्मनाम्
ततः स स्वसुतं प्राह नैव त्वं कर्तुमर्हसि
ततः शुद्धिं समाप्नोषि क्रमान्नियमसंयुतः
न ब्राह्मणसमादिष्टं प्रायश्चित्त विशुद्धये
तस्मात्कार्यो मया तात मौंजीहोमो न संशयः
यन्मया तु कृतं बाल्ये तत्सर्वं क्षंतुमर्हसि
सर्वस्वं प्रददौ रुष्टो मरणे कृतनिश्चयः
साऽपि तस्य सती भार्या कृत्वा मृत्युविनिश्चयम्
आवाभ्यां संप्रविष्टाभ्यां वह्नौ पुत्र ततस्तदा ६.२५.
ततस्तौ दम्पती हृष्टौ यावद्वह्निसमीपगौ
तावत्प्राप्तो मुनिर्नाम शांडिल्यो वेदपारगः
स वृत्तांतं समाकर्ण्य कोपसंरक्तलोचनः
अहो मूढतमा यूयं यदेतद्ब्राह्मणत्रयम्
अत्र कात्यायनेनोक्तं यद्वचः सुमहात्मना
चांद्रायणानि कृच्छ्राणि तथा सांतपनानि च
अत्र विष्णुपदी गंगा तत्क्षेत्रे तु द्विजोत्तमाः
मौंजीहोमः प्रमाणं स्यान्मुनिवाक्येन चेद्भवेत्
ततस्ते ब्राह्मणाः सर्वे हर्षेण महतान्विताः
ततः प्रबोध्य तं विप्रं निन्युस्तत्र द्विजोत्तमाः ६.२५.
तत्र स ब्राह्मणो यावद्गंगातोयसमुद्भवम् उदरादखिलं तोयं निष्क्रांतं द्विजसत्तमाः
ततोऽवगाहते यावत्तस्यास्तोयं सुशोभनम्
शुद्धोऽयं ब्राह्मणः साक्षाद्विष्णुपद्याः समागमात्
ततस्ते ब्राह्मणाः सर्वे चंडशर्मादयश्च ये
तस्य क्षेत्रस्य सीमांते पश्चिमे पापनाशिनी
एतद्वः सर्वमाख्यातं विष्णुपद्याः समुद्भवम्
दक्षिणोत्तरसंभूतं तद्वो वक्ष्यामि सांप्रतम्