समुत्थाय ततश्चक्रुः पुरस्तस्याः प्रदक्षिणाम् ६.१४.
गताश्च परमां सिद्धिं तत्प्रभावात्सुदुर्लभाम्
सोऽपि राजा स मन्त्री च जातौ वैमानिकौ सुरौ
सूत उवाच तस्मात्सर्वप्रयत्नेन त्यक्त्वाऽन्या निखिलाः क्रियाः
किं दानैः किं क्रियाकांडैः किं यज्ञैः किं व्रतैरपि
अग्निष्टोमादयो यज्ञाः सर्वे संपूर्णदक्षिणाः
चान्द्रायणानि कृच्छ्राणि तथा सांतपनानि च
प्रभासाद्यानि तीर्थानि गङ्गाद्याः सरितस्तथा
भूमिदानानि सर्वाणि धर्माः सर्वे दयादिकाः
तत्र राजर्षयः पूर्वं प्रभूताः सिद्धिमागताः
तत्र कालवशान्नष्टास्तेऽपि प्राप्ता दिवालयम्
श्रूयतां परमं गुह्यं तस्य क्षेत्रस्य संभवम् ६.१६.
हाटकेश्वरजं क्षेत्रं पुनाति स्मरणादपि
इति श्रीस्कांदे महापुराण एकाशीतिसाहस्र्यां संहितायां षष्ठे नागरखण्डे हाटकेश्वरक्षेत्रमाहात्म्ये रक्तशृङ्गसांनिध्यसेवनफलश्रैष्ठ्यवर्णनंनाम षोडशोऽ ध्यायः
तत्क्षेत्रस्य प्रमाणं यत्तदस्माकं प्रकीर्तय । यानि तत्र च पुण्यानि तीर्थान्यायतनानि च
आयामव्यासतश्चैव चमत्कारपुरोत्तमम्
प्राच्यां तस्य गयाशीर्षं पश्चिमेन हरेः पदम्
हाटकेश्वर संज्ञं तु पूर्वमासीद्द्विजोत्तमाः
यतः प्रभृति विप्रेभ्यो दत्तं तेन महात्मना
माहात्म्यं तस्य नो ब्रूहि सूतपुत्र सविस्तरम्
यो वै दानपतिर्दक्षः शत्रुपक्षक्षयावहः
स कदाचिन्मृगान्हंतुं नृपः सेनावृतो ययौ
स जघान मृगांस्तत्र शरैराशीविषोपमैः ६.१७.
सिंहान्व्याघ्रान्गजान्मत्ताञ्च्छतशोऽथ सहस्रशः
न पपात धरापृष्ठे सशरो दुद्रुवे द्रुतम् प्रेरयामास वेगेन मनोमारुतवेगधृक्
ततः सैन्यं समुत्सज्य मृगं लिप्सुर्महीपतिः
कण्टकीबदरीप्रायं शाल्मलीवनसंकुलम्
तत्र रूक्षाऽखिला भूमिर्निर्जला तमसा वृता
ग्रीष्मे मध्यगते सूर्ये मृगाकृष्टः स पार्थिवः
तेन तस्यानुगा भृत्याः सर्वे सुश्रांतवाहनाः