अद्यैव विप्रशार्दूल चैत्रशुक्लांत उत्तमः
तत्रोपवासयुक्तस्य सम्यक्स्नातस्य तत्क्षणात्
एवमुक्त्वा स भगवांस्ततश्चादर्शनं गतः
ततश्च तत्क्षणाज्जातौ हस्तौ तस्य यथा पुरा
एवं तद्धरणीपृष्ठे तीर्थं जातं नृपोत्तम
तस्मात्त्वमपि राजेंद्र तत्र स्नानं समाचर
भविष्यसि न संदेहः सर्वरोगविवर्जितः
चित्रासंस्थे निशानाथे संप्राप्ता च चतुर्दशी
ततस्ते ब्राह्मणा भूपं समादाय च तत्क्षणात् 6.11.
ततः स मनसि ध्यात्वा कुष्ठव्याधिपरिक्षयम्
ततः कुष्ठविनिर्मुक्तो द्वादशार्कसमप्रभः । निष्क्रांतः सलिलात्तस्माद्धर्षेण महतान्वितः
ततः प्रणम्य तान्सर्वान्ब्राह्मणान्वेदपारगान्
प्रसादेन हि युष्माकं मुक्तोऽहं ब्राह्मणोत्तमाः
तस्मान्नाहं करिष्यामि राज्यं ब्राह्मणसत्तमाः
एतद्राज्यं च देशं च हस्त्यश्वादि तथापरम्
ममैवानुग्रहार्थाय दयां कृत्वा बृहत्तराम्
ब्राह्मणा ऊचुः न वयं रक्षितुं शक्ता राज्यं पार्थिवसत्तम
जामदग्न्येन रामेण पुरा दत्ता वसुन्धरा
सा भूयोपि हृताऽस्माकं क्षत्रियैर्बलवत्तरैः 6.11.
तपस्थितोऽपि कार्येऽत्र न भीः कार्या कथंचन
अवश्यं यदि ते श्रद्धा विद्यते दानसंभवा । क्षेत्रेऽत्रापि महापुण्ये कृत्वा देहि पुरोत्तमम्
सर्वेषां ब्राह्मणेंद्राणां प्राकारपरिखान्वितम् गृहस्थधर्मिणः सर्वे स्वाध्यायनिरता सदा
नगरं कल्पयामास स्थाने तत्र महत्तमम्
प्राकारेण सुतुंगेन परिखाद्येन सर्वतः
त्रिकचत्वरसंशुद्धं शोभितं सर्वतो ध्वजैः
मत्तवारणकोपेतैर्बहुभिर्भूभिरेव च
ततो गृहाणि सर्वाणि पूरयित्वा स भूमिपः
ब्राह्मणेभ्यः कुलीनेभ्यो वेदविद्भ्यो विशेषतः
यथाज्येष्ठं यथाश्रेष्ठं प्रक्षाल्य चरणौ ततः 6.11.
इति श्रीस्कांदे महापुराणएकाशीतिसाहस्र्यां संहितायां षष्ठे नागरखण्डे हाटकेश्वरक्षेत्रमाहात्म्ये शंखतीर्थोत्पत्तिमाहात्म्यवर्णने चमत्कारभूपतिना व्राह्मणेभ्यो नगरदानवर्णनंनामैकादशोऽध्यायः