पतिव्रतत्वेन तुष्टाः सत्येन च विशेषतः
यदत्रास्ति महालिंगं मन्नाम्ना तद्भविष्यति
एतदेव ममाभीष्टं नान्यदस्ति प्रयोजनम्
तव नामान्वितं जातं तीर्थं वै मणिकर्णिका
वालखिल्यास्तपोनिष्ठा विशेषात्तत्र संस्थिताः
तत्र सूर्यग्रहे प्राप्ते स्नानदानादिकाः क्रियाः 7.3.16.
यं यं काममभिध्याय स्नानं तत्र करोति यः
तस्मात्सर्वप्रयत्नेन स्नानं तत्र समाचरेत्
यत्र पूर्वं तपस्तप्तं पंगुना ब्राह्मणेन च
पंगुनामा द्विजः पूर्वं च्यवनस्यान्वयेऽभवत्
गृहकृत्यनियुक्तोऽसावेकदा बान्धवैर्नृप
अथासौ तैः परित्यक्तो गत्वार्बुदमथाचलम्
लिंगं संस्थाप्य तत्रैव पूजयामास तं विभुम्
शिवभक्तिपरो जातो वायुभक्षो बभूव ह
ततस्तुष्टो महादेवो ब्राह्मणं नृपसत्तम
तव दास्याम्यहं सर्वं यद्यपि स्यात्सुदुर्लभम्
पंगुभावोऽत्र मे यातु प्रसादात्तव शंकर
तवास्तु सततं चात्र सांनिध्यं सह भार्यया 7.3.17.
ख्यातिं तपःप्रभावेन तीर्थं यास्यति सत्तम
चैत्रशुक्लचतुर्द्दश्यां सांनिध्यं मे भवेत्तथा
पुलस्त्य उवाच स्नानमात्रेण विप्रोऽसौ दिव्यरूपमवाप ह
तस्मिन्दिने नृपश्रेष्ठ स्नानं तत्र समाचरेत्
इति श्रीस्कान्दे महापुराण एकाशीति साहस्र्यां संहितायां सप्तमे प्रभासखण्डे तृतीयेऽर्बुदखण्डे पंगुतीर्थमाहात्म्यवर्णनंनाम सप्तदशोऽध्यायः
पुलस्त्य उवाच ततो गच्छेन्नृपश्रेष्ठ यमतीर्थमनुत्तमम्
पुरा चित्रांगदो नाम राजा परमलोभवान्
अतीव निष्ठुरो दुष्टो देवब्राह्मणपीडकः
सत्यशौचविहीनस्तु मायामत्सरसंयुतः
अटनात्स परिश्रांतः क्षुत्पिपासासमाकुलः
पद्मिनीभिः समाकीर्णो ग्राहनक्रझषाकुलः
तृषार्तः संप्रविष्टः स तस्मिन्नेव जलाशये