ततो महोदयावाप्तिः कर्मनिर्मूलनक्षमा
व्रतं पुराणश्रवणं स्मृत्युक्ताध्व निषेवणम्
लिंगार्चनं त्रिकालं च लिंगस्यापि प्रतिष्ठितिः
अतिथेश्चापि सत्कारो मैत्रीतीर्थनिवासिभिः
अकामिता त्वनौद्धत्यमरागित्वमहिंसनम्
अदंभितात्वमात्सर्यमप्रार्थितधनागमः
इत्यादि सत्प्रवृत्तिश्च कर्तव्या क्षेत्रवासिना 4.2.96.
नित्यं त्रिषवणस्नायी नित्यं भिक्षाकृताशनः
एकदा तस्य जिज्ञासां कर्तुं देवीं हरोवदत्
अपि सर्वगते क्वापि भिक्षां मा यच्छ सुंदरि
नमस्कृत्य प्रतिगृहं तस्य भिक्षां न्यषेधयत्
वेलातिक्रममालोक्य पुनर्बभ्राम तां पुरीम्
तदह्निनालभद्भिक्षां सशिष्यः स मुनिः क्वचित्
उपोषणपरो भूत्वा तथैवासीदहर्निशम्
ययौ भिक्षाटनं कर्तुं सशिष्यः परितः पुरीम्
न क्वापि लब्धवान्भिक्षां भाग्यहीनो धनं यथा
को हेतुर्यन्न लभ्येत भिक्षा यत्नेन रक्षिता 4.2.96.
भवद्भिरपि नो भिक्षा परिप्राप्तेति गम्यते
द्वितीयेह्न्यपि यद्भिक्षा न लभ्येतातियत्नतः
अन्नक्षयो वा सर्वस्यां नगर्यामभवत्क्षणात्
अथवा वारिता भिक्षा केनाप्यस्मासु चेर्ष्यया
किमेतदखिलमज्ञात्वा समागच्छत सत्वरम् समाचख्युः समागम्य दृष्ट्वर्द्धि तत्पुरौकसाम्
नान्नक्षयो वा सर्वस्यां नगर्यामिह कुत्रचित्
यत्र विश्वेश्वरः साक्षाद्यत्राऽमरधुनी स्वयम्
समृद्धिर्या गृहस्थानामिह विश्वेशितुः पुरि
रत्नाकरेषु रत्नानि न तावंति महामुने
गृहेगृहेत्र धान्यानां राशयो यादृशः पुनः 4.2.96.
श्रीकंठाः सर्व एवात्र सर्वे मृत्युंजया ध्रुवम् 4.2.96.
सरस्वती सरिद्रूपा ह्यतः शास्त्रनिकेतनम्
सर्वे सुरनिकायाश्च सर्व एव महर्षयः 4.2.96.