यथार्थितं तथा कर्तुं ते सामर्थ्यं भविष्यति
अन्यान्वरांश्च ते दद्यां त्वाष्ट्र तुष्टस्त्वदर्चया
त्वं सुवर्णादिधातूनां दारूणां दृषदामपि
कर्पूरादिसुगंधीनां द्रव्याणामप्यपामपि
सर्वेषां वस्तुजातानां कर्तुं कर्म प्रवेत्स्यसि
तस्य तस्येह तुष्ट्यै त्वं तथा कर्तुं प्रवेत्स्यसि
सर्वाणि शिल्पकार्याणि तौर्यत्रिकमथापि च
नानाविधानि यंत्राणि नानायुधविधानकम्
तादृक्कर्तुं पुरा वेत्सि यादृङ्नान्योऽधियास्यति 4.2.86.
सर्वेंद्रजालिकी विद्या त्वदधीना भविष्यति
सर्वेषां च मनोवृत्तिं त्वं ज्ञास्यसि वरान्मम
अतिलोकोत्तरं कर्म तत्सर्वं वेत्स्यसि स्वयम्
विश्वेषां विश्वकर्माणि विश्वेषु भुवनेषु च
अपरः को वरो देयस्तव तं प्रार्थयाश्वहो
अन्यत्रापि हि यो लिंगं समर्चयति सन्मतिः
येन काश्यां समभ्यर्चि येन काश्यां प्रतिष्ठितम्
तत्त्वं स्वच्छोसि मुकुरो मम नेत्रत्रयस्य हि
काश्यां यो राजधान्यां मे हित्वा मामन्यमर्चयेत्
तदानंदवनेह्यत्र समर्च्योहं मुमुक्षुभिः 4.2.86.
यथानंदवनं प्राप्य त्वं मामर्चितवानसि
अनुग्राह्योऽसि नितरां ततो वरय दुर्लभम्
तल्लिंगमन्येप्याराध्य संतु समृद्धिभाजनम्
अन्यच्च नाथ प्रार्थ्योसि तच्च विश्राणयिष्यसि
देवदेव उवाच एवमस्तु यदुक्तं ते तव लिंगसमर्चकाः
यदा च राजा भविता दिवोदासो विधेर्वरात्
नवीकृत्य पुनः काशी निर्विष्टा तेन भूभुजा
विष्णोः सदुपदेशाच्च मामेव शरणं गतः
विश्वकर्मन्व्रज गुरोः शासनाय यतस्व च
ये गुरुं चावमन्यंते तेवमान्या मयाप्यहो 4.2.86.
ममार्च्यमविमुक्ताख्यं ततो देवि ममा ख्यकम् 4.2.86.