परिभ्रम्य महातेजा महामर्षो महातपाः
विलोक्याक्रीडमखिलं बहुप्रासादमंडितम् । पदेपदे मुनीनां च जितकाल महाभियाम्
सर्वर्तुकुसुमान्वृक्षान्सुच्छायस्निग्धपल्लवान्
दुर्वासाश्चातिहृष्टोभू्द्दृष्ट्वा पाशुपतोत्तमान्
कौपीनमात्र वसनान्स्मरारि ध्यान तत्परान्
करंडदंडपानीय पात्रमात्रपरिग्रहान्
कालादपि निरातंकान्विश्वेशशरणं गतान् 4.2.85.
विलोक्य काश्यां दुर्वासा ब्राह्मणान्मुमुदेतराम्
पशुष्वपि च या तुष्टिर्मृगेष्वपि च या द्युतिः
इदं सुश्रेयसो व्युष्टिः क्वामरेषु त्रिविष्टपे
वरमेतेपि पशव आनंदवनचारिणः
वरं काशीपुरीवासी म्लेच्छोपि हि शुभायतिः
वैश्वेश्वरी पुरी चैषा यथा मे चित्तहारिणी
स्थैर्यं बबंध न क्वापि भ्रमतो मे मनोगतिः
रम्या पुरी भवेदेषा ब्रह्मांडादखिलादपि
तप्यमानोपि हि तपः सुचिरं स महातपाः
धिक्च मां तापसं दुष्टं धिक्च मे दुश्चरं तपः 4.2.85.
यथा न मुक्तिरत्र स्यात्कस्यापि करवै तथा
तत्र लिंगमभूदेकं ख्यातं प्रहसितेश्वरम्
उवाच विस्मयाविष्टो मनस्येव महेशिता
यत्रैव हि तपस्यंति यत्रैव विहिताश्रमाः
मनाक्चिंतितमात्रं तु चेल्लभंते न तापसाः
तथापि तापसा मान्याः स्वश्रेयोवृद्धिकांक्षिभिः
इति यावन्महेशानो मनस्येव विचिंतयेत्
तत्कोधानलधूमोघैर्व्यापितं यन्नभोंगणम्
ततो गणाः परिक्षुब्धाः प्रलयार्णव नीरवत्
गर्जंतस्तर्जयंतश्च प्रोद्यता युधपाणयः 4.2.85.
को यमः कोथवा कालः को मृत्युः कस्तथांतकः
अग्निं पिबामो जलवच्चूर्णीकुर्मोखिलान्गिरीन्
पातालं चानयामोर्ध्वमधो दध्मोथवा दिवम्