अथ सायं समायातो दानवो भीषणाकृतिः
आगत्य दानवो रौद्रः प्रलयांबुदनिस्वनः
गृहाणेमानि रत्नानि दिव्यानि वरवर्णिनि
दासीनामयुतं प्रातर्दास्यामि तव सुंदरि
गंधर्वीणां नरीणां च किन्नरीणां शतंशतम्
राक्षसीनां शतान्यष्टौ शतमप्सरसां वरम्
यावत्संपत्तिसंभारो दिक्पालानां गृहेषु वै
दिव्यान्भोगान्मया सार्धं भोक्ष्यसे मत्परिग्रहात्
त्वदंगसंगसंस्पर्श सुखसंदोह मेदुरः 4.2.82.
मनोरथाश्चिरं यावद्यं मे हृदि समेधिताः
जित्वा देवान्रणे सर्वानिंद्रादीन्मृगलोचने
आधायांके त्रिशूलं स्वे सुष्वापेति प्रलप्य सः
वरं स्मरंती सा गौर्या विद्याधरकुमारिका
आहूय तं नरवरं वरं सर्वांगसुंदरम्
शूलं तदंकादादाय गृहाणेमं जहि द्रुतम्
समादाय महाबाहुः स तदा मित्रजिन्नृपः
वामपादप्रहारेण तमाताड्य स निर्भयः
जर्गाद तिष्ठ रे दुष्ट कन्याधर्षणलालस
इति संश्रुत्य संभ्रांत उत्थाय स दनोः सुतः 4.2.82.
त्वया कपटरूपेण बलिनः कैटभादयः 4.2.82.
निजघान महाबाहुः स च प्राणाञ्जहौ क्षणात् 4.2.82.
अपि स्मृत्वा पुरीं यां वै काशीं त्रैलोक्यकांक्षिताम् ।। 4.2.82.
इति राज्ञोदिता राज्ञी प्रवक्तुमुपचक्रमे 4.2.82.
राज्ञ्युवाच अवधेहि धरानाथ कथयामि यथातथम्
पुरा पुरः श्रीदपत्न्याः श्रीमुख्या ब्रह्मसूनुना
चीर्णं चाथ तया देव्या पुत्रोभून्नलकूबरः
विधिनाप्यत्र संपूज्या गौरी सर्वविधानवित्
मार्गशीर्ष तृतीयायां शुक्लायां कलशोपरि
अविच्छिन्नं नवीनं च रजनीरागरंजितम्
तस्योपरि शुभं पद्मं रविरश्मिविकासितम्