ततोमात्यान्समाहूय क्रमायातांश्चिरंतनान् 4.2.81.
ब्राह्मणांश्चनमस्कृत्य तेभ्यो वृत्तीः प्रदाय च
परिदंड्य च दंडार्हान्साधूंश्च परितोष्य च
समागच्छदथैकाकी काशीं श्रेयोविकासिनीम्
धर्मेशदर्शनान्नित्यं तथाभूतः स दुर्दमः
इत्थं धर्मेश माहात्म्यं मया स्वल्पं निरूपितम्
इदं धर्मेश्वराख्यानं यः श्रोष्यति नरोत्तमः
श्राद्धकाले विशेषेण धर्मेशाख्यानमुत्तमम्
धर्माख्यानमिदं शृण्वन्नपि दूरस्थितः सुधीः
परां सिद्धिं परोपतुस्तत्र सिद्धाः परः शताः
कथमाविर्भवस्तस्य काश्यां लिंगवरस्य तु
यं श्रुत्वापि नरः पुण्यं प्राप्नोति विपुलं शिवे
आसीदमित्रजिन्नाम राजा परपुरंजयः
यशोधनो वदान्यश्च सुधीर्ब्राह्मणदैवतः
विनीतो नीतिसंपन्नः कुशलः सर्वकर्मसु
कृतज्ञो मधुरालापः पापकर्मपराङ्मुखः
रणांगणे कृतांताभः संख्यावांश्च सदोजिरे
धर्मार्थैधितकोशश्च समृद्धबलवाहनः
स्थैर्य धैर्य समापन्नो देशकालविचक्षणः 4.2.82.
वासुदेवांघ्रियुगले चेतोवृत्तिं निधाय सः
अलंघ्यशासनः श्रीमान्विष्णुभक्तिपरायणः
हरेरायतनान्युच्चैः प्रतिसौधं पदेपदे
गोविंदगोपगोपाल गोपीजनमनोहर
केशिहृत्कैटभाराते कंसारे कमलापते
पुरुषोत्तम पापारे पुंडरीकविलोचन
जनार्दन जगन्नाथ जाह्नवीजलजन्मभूः
श्रीवत्सवक्षः श्रीकांत श्रीकर श्रेयसां निधे
दैत्यारे दानवाराते दामोदर दुरंतक
विष्णो वैकुंठनिलय बाणारे विष्टरश्रवः 4.2.82.
त्रिविक्रमत्रिलोकीश चक्रपाणे चतुर्भुज