समाकर्ण्य क्षणं स्मित्वा प्राहेशो विस्मयान्वितः
ईश्वर उवाच पुलोमकन्ये यश्चैष त्वयाकारि मनोरथः
मनोरथतृतीयायाश्चरणेन भविष्यति
तेन व्रतेन चीर्णेन महासौभाग्यदेन तु
कदा च तद्विधातव्यमिति कर्तव्यता च का
पूज्या विश्वभुजा गौरी भुजविंशतिशालिनी
वरदोऽभयहस्तश्च साक्षसूत्रः समोदकः
चैत्रशुक्ल तृतीयायां कृत्वा वै दंतधावनम् 4.2.80.
नियमं चेति गृह्णीयाज्जितक्रोधो जितेंद्रियः
प्रातर्व्रतं चरिष्यामि मातर्विश्वभुजेनघे
नियमं चेति संगृह्य स्वपेद्रात्रौ शुभं स्मरन्
शौचमाचमनं कृत्वा दंतकाष्ठं समाददेत्
नित्यंतनं च निष्पाद्य विधिं विधिविदांवरः
आदौ विनायकं पूज्य घृतपूरान्निवेद्य च
अशोकवर्तिनैवेद्यैर्धूपैश्चागुरुसंभवैः
अशोकवर्तिसहितैर्घृतपूरैर्मनोहरैः
राधादिफाल्गुनांतासु तृतीयासु व्रतं चरेत्
अनुलेपनवस्तूनि कुसुमानि तथैव च 4.2.80.
अन्नानि चैकभक्तस्य शृणुतानि फलाप्तये
प्लक्षोदुंबरखर्जूरी बीजपूरी सदाडिमी
सिंदूरागुरु कस्तूरी चंदनं रक्तचंदनम्
प्रीत्यानुलेपनं बाले यक्षकर्दमसंभवम्
कस्तूरिकाया द्वौ भागौ द्वौ भागौ कुंकुमस्य च
यक्षकर्दम इत्येष समस्तसुरवल्लभः
पाटला मल्लिका पद्म केतकी करवीरकः
कुमारीभिः कर्णिकारैरलाभेतच्छदैः सह
करंभो दधिभक्तं च सचूतरसमंडकाः
समुद्गं सघृतं भक्तं कार्त्तिके विनिवेदयेत् 4.2.80.
मुष्टिकाः शर्करागर्भाः सर्पिषा परिसाधिताः
निवेदयेद्यदन्नं हि एकभक्तपि तत्स्मृतम्