मम सर्वगतस्यापि प्रासादोयं परास्पदम् अमूर्तं तदहं मूर्तो भूयां भक्तकृपावशात्
नैःश्रेयस्याः श्रियो धाम तद्याम्यां मंडपोस्ति मे
निमेषार्धप्रमाणं च कालं तिष्ठति निश्चलः
निर्वाणमंडपं नाम तत्स्थानं जगतीतले
प्राणायामं तु यः कुर्यादप्येकं मुक्तिमंडपे
निर्वाणमंडपे यस्तु जपेदेकं षडक्षरम्
शुचिर्गंगांभसि स्नातो यो जपेच्छतरुद्रियम्
ब्रह्मयज्ञसकृत्कृत्वा मम दक्षिणमंडपे 4.2.79.
धर्मशास्त्रं पुराणानि सेतिहासानि तत्र यः
तिष्ठेदिंद्रियचापल्यं यो निवार्य क्षणं कृती
वायुभक्षणतोन्यत्र यत्पुण्यं शरदां शतम्
मितं कृष्णलकेनापि योदद्यान्मुक्तिमंडपे
तत्रैकं जागरं कुर्याद्यस्मिन्कस्मिन्दिनेपि यः
तत्र दत्त्वा महादानं तत्र कृत्वा महाव्रतम्
प्रयाणं कुर्वते यस्य प्राणा मे मुक्तिमंडपे
जलक्रीडां सदा कुर्यां ज्ञानवाप्यां सहोमया
तज्जलक्रीडनस्थानं मम प्रीतिकरं महत्
तत्प्रासादपुरोभागे मम शृंगारमंडपः 4.2.79.
मदर्थं तत्र यो दद्याद्दुकूलानि शुचीन्यहो
नाना नेपथ्यवस्तूनि पूजोपकरणाऽन्यपि
निर्वाणलक्ष्मीर्वृणुते तं निर्वाणपदाप्तये
मोक्षलक्ष्मीविलासाख्य प्रासादस्योत्तरे मम
मत्प्रासादैंद्रदिग्भागे ज्ञानमंडपमस्ति यत्
भवानि राजसदने ममास्ति हि महानसम्
विशालाक्ष्या महासौधे मम विश्रामभूमिका
नियमस्नानतीर्थं च चक्रपुष्करिणी मम
यदाहुः परमं तत्त्वं यदाहुर्ब्रह्मसत्तमम्
यदाहुस्तारकं ज्ञानं यदाहुरतिनिर्मलम् 4.2.79.
जगन्मंगलभूर्यात्र परमा मणिकर्णिका
निर्वाणश्राणने यत्र पात्रापात्रं न चिंतये