तत्रान्योन्यं महीपाला युयुधुर्वसुधातले
ततः कलियुगं घोरं चतुर्थं तु प्रव र्त्तते
कृष्णवर्णो भवेद्विष्णुः पापाधिक्यं प्रवर्तते
अर्थलुब्धास्तथा भूपा लोभमोहशतान्विताः
अल्पक्षीरास्तथा गावः सत्यहीना द्विजातयः
सत्यहीनास्तथा पापा भविष्यंति कलौ युगे
नार्यो द्वादशमे वर्षे भविष्यंति सुगर्भिताः
एकाकारा भविष्यंति सर्ववर्णाश्रमाश्च वै
व्यर्थानि तत्र तीर्थानि म्लेच्छस्पृष्टानि सर्वशः 7.3.10.
एतच्छ्रुत्वा ततो वाक्यं ब्रह्मणोऽव्यक्तजन्मनः
स्थानं नो ब्रूहि देवेश स्थातव्यं च सदैव हि
अतस्तत्र च गंतव्यं तीर्थैरायतनैः सह
अपि कृत्वा महत्पापमर्बुदं प्रेक्षते तु यः
ततः सर्वाणि तीर्थानि गतानि च कलौ युगे
भूमावर्बुदशैलेन्द्रे संस्थितानि कलेर्भयात्
कुरुक्षेत्रं प्रभासं च ब्रह्मावर्तं तथैव च
तेषां वासश्च सञ्जातः पर्वतेऽर्बुदसंज्ञिके
तत्र शांता नराः सम्यक्परं निर्वाणमाप्नुयुः
शृणु तत्राभवत्पूर्वं यदाश्चर्यं महामते 7.3.10.
तपस्तेपे सुधर्मात्मा कामक्रोधविवर्जितः
पित्तं प्रपतितं तत्र तच्च रक्तमयं बभौ
सिद्धोऽहमिति विज्ञाय ततो नृत्यं चकार सः
तत्र संक्षोभमापन्नं सागरा अपि चुक्षुभुः
तस्यैवं नृत्यमानस्य सर्वे लोका नृपोत्तम
ततो देवगणाः सर्वे गत्वा कामनिषूदनम्
अथ ब्राह्मणरूपेण शंभुनोक्तो द्विजोत्तमः
संजातं सिद्धिमापन्नो रक्तं पित्तं यतो मम
एतस्मात्कारणाद्धर्षाद्द्विज नृत्यं करोम्यहम्
तर्जन्या ताडयामास स्वांगुष्ठं नृपसत्तम 7.3.10.
ततो मंकणकं प्राह पश्य विप्र करान्मम