गिरींद्रगुरुवर्ष्माणः शस्त्रास्त्रोद्यतपाणयः
तेषूड्डीनेषु दैत्येषु शतकोटिमितेषु च
ततस्तां तु विनिर्यांतीमनुजग्मुर्महासुराः
दुर्गोनाम महादैत्यः शतकोटि रथावृतः
कोट्यर्बुदेन सहितो हयानां वातरंहसाम्
उदायुधैर्महाभीमैःकृतत्रिजगतीभयैः 4.2.71.
अथ दृष्ट्वा महादेवी विंध्याचलकृतालयाम्
महाभुजसहस्राढयां महातेजोभिबृंहिताम्
प्रौद्यच्चंद्रसहस्रांशु निर्मार्जित शुभाननाम्
महामाणिक्यनिचय रोचिःखचितविग्रहाम्
हरनेत्राग्निनिर्दग्ध कामजीवातुवीरुधम्
विषमेषु शरैर्भिन्नहृदयो दैत्यपुंगवः
अयि जंभ महाजंभ कुजंभ विकटानन
पिंगाक्ष महिषग्रीव महोग्रात्युग्रविग्रह
जितांतक महाबाहो महावक्त्र महीधर
उग्रास्य दीर्घदशनमेवकेश वृकानन 4.2.71.
शुकतुंड प्रचंडास्य भीमाक्ष क्षुदमानस
दीर्घग्रीव महाजंघ क्रमेलक शिरोधर
धूम्राक्ष धूमनिःश्वास चंडचंडांशुतापन
भवत्स्वेतेषु चान्येषु एतां विंध्यवासिनीम्
यांतु क्षिप्रं नयावन्मे पंचेषु शरपीडितम्
इत्याकर्ण्य वचस्तस्य दुर्गस्य दनुजेशितुः
अवधेहि महाराज किमेतत्कर्मदुष्करम्
अस्या आनयने कोयं महायत्नविधिः प्रभो
सहेत त्रिषु लोकेषु त्वत्प्रसादात्कृतोद्यमान् 4.2.71.
सांतःपुरं समानीय क्षिप्नुमस्त्वत्पदाग्रतः
महर्जनस्तपःसत्यलोकास्त्वदधिकारिणः
वैकुंठनायको नित्यं त्वदाज्ञापरिपालकः
अस्माभिरेव संत्यक्तः कैलासाधिपतिः स वै
अर्धांगेनास्मद्भयतो योषिदेका निगूहिता