तीर्थे यज्ञवराहाख्ये यज्ञवाराहसंज्ञकः
विदारनरसिंहोहं काशीविघ्नविदारणः
गोपीगोविंदतीर्थे तु गोपीगोविंदसंज्ञकम्
मुने लक्ष्मीनृसिंहोस्मि तीर्थे तन्नाम्नि पावने 4.2.61.
शेषमाधवनामाहं शेषतीर्थेऽघहारिणि
शंखमाधवतीर्थे च स्नात्वा मां शंखमाधवम्
हयग्रीवे महातीर्थे मां हयग्रीवकेशवम्
भीष्मकेशवनामाहं वृद्धकालेशपश्चिमे
निर्वाणकेशवश्चाहं भक्तनिर्वाणसूचकः
वंद्यस्त्रिलोकसुंदर्या याम्यां यो मां समर्चयेत्
ज्ञानवाप्याः पुरोभागे विद्धि मां ज्ञानमाधवम्
श्वेतमाधवसंज्ञोहं विशालाक्ष्याः समीपतः
उदग्दशाश्वमेधान्मां प्रयागाख्यं च माधवम्
प्रयागगमने पुंसां यत्फलं तपसि श्रुतम् 4.2.61.
गंगायमुनयोः संगे यत्पुण्यं स्नानकारिणाम्
दानानि राहुग्रस्तेर्के ददतां यत्फलं भवेत्
गंगोत्तरवहा यत्र यमुना पूर्ववाहिनी
वपनं तत्र कर्तव्यं पिंडदानं च भावतः
गुणाः प्रजापतिक्षेत्रे ये सर्वे समुदीरिताः
प्रयागेशं महालिंगं तत्र तिष्ठति कामदम्
काश्यां माघः प्रयागे यैर्न स्नातो मकरार्कगः
काश्युद्भवे प्रयागे ये तपसि स्नांति संयताः
प्रयागमाधवं भक्त्या प्रयागेशं च कामदम्
धनधान्यसुतर्द्धीस्ते लब्ध्वा भोगान्मनोरमान् 4.2.61.
माघे सर्वाणि तीर्थानि प्रयागमवियांति हि
काशीस्थितानि तीर्थानि मुने यांति न कुत्रचित्
आयांत्यूर्जे पंचनदे प्रातःप्रातर्ममांतिकम्
प्राप्य माघमघारिं च प्रयागेश समीपतः
समासाद्य च मध्याह्नमभियांति च नित्यशः
काश्यां रहस्यं परममेतत्ते कथितं मुने