देवालयस्य कलशो यत्त्वया वीक्षितः पतन्
पुरी परिवृता स्वप्ने मृगयूथैः समंततः
आतायियूकगृध्राद्यैः पुरीमुपरिचारिभिः
स्वप्नोत्पातानिति बहूञ्शंसञ्शंसन्नितस्ततः 4.2.56.
केषांचित्पुरतो वादीद्ग्रहचारं प्रदर्शयन्
सोयं धूमग्रहो व्योम्नि भित्त्वा सप्तर्षिमंडलम्
अतिचारगतो मंदः पुनर्वक्राध्व संस्थितः
व्यतीते वासरे योयं भूकंपः समपद्यत
उदीच्यादक्षिणाशायां येयमुल्का प्रधाविता
उन्मूलितो महामूलो महानिलरयेण यः
सूर्योदयमनुप्राप्य प्राच्यां शुष्कतरूपरि
मध्ये विपणि यतूर्णं कौचिच्चारण्यचारिणौ
रसालशालमुकुलं वीक्ष्यते यच्छरद्यदः
साध्वसंजनयित्वेति केचिदुच्चाटिताः पुरः 4.2.56.
अथ मध्येवरोधं स प्रविश्य निजमायया
तव पुत्रशतं जज्ञे सप्तोनं शुभलक्षणे
अंतर्वत्नी त्वियं कन्या जनयिष्यति शोभनाम्
असौ हि राज्ञो राज्ञीनामत्यंतमिहवल्लभा
पंचसप्तदिनान्येव जातानीतीह तर्क्यते
इति दृष्टार्थकथनै राज्ञीमान्योभवद्द्विजः
अहो यादृगसौ विप्रः सर्वत्रातिविचक्षणः
अलोलुप उदारश्च सदाचारो जितेंद्रियः
जितक्रोधः प्रसन्नास्यस्त्वनसूयुरवंचकः
पुण्योपदेष्टा पुण्यात्मा सर्वव्रतपरायणः ।। 4.2.56.
धीरः पुण्येतिहासज्ञः सर्वदृक्सर्वसंमतः
क्षमी कुलीनोऽकृपणो भोक्ता निर्मलमानसः
इत्थं तास्तद्गुणग्रामं वर्णयंत्यः पदेपदे
एकदावसरं प्राप्य दिवोदासस्य भूभुजः
राजन्वृद्धो गुणैर्वृद्धो ब्राह्मणः सुविचक्षणः
राज्ञी राज्ञा कृतानुज्ञा सखीं प्रेष्य विचक्षणाम्