प्रतापतापितारातिवर्गव्याख्यातसद्यशाः
यशःपूरेण समलिप्ता दिशो दश सितत्विषा
नानादेशान्समाक्रम्य चतुरंगबलान्वितः
उत्कृष्टान्नृपतीन्वीरो दंडयित्वा बलाधिकान्
स विजित्य दिशः सर्वा गृहीत्वा रत्नसंचयम्
तत्रागत्य च काकुत्स्थो यज्ञायोत्सुकमानसः 2.8.4.
वसिष्ठं मुनिमाज्ञाय वामदेवं च कश्यपम्
अन्यानपि मुनिश्रेष्ठान्नानातीर्थसमाश्रितान्
दृष्ट्वा स्थितान्स तान्सर्वान्प्रदीप्तानिव पावकान् निश्चक्राम यथान्यायं स्वयमेव महायशाः
ततो विनीतवत्सर्वान्काकुत्स्थो द्विजसत्तमान्
मुनयः सर्व एवैते यूयं शृणुत मद्वचः
सांप्रतं मामको यज्ञो युक्तः स्यान्मुनिसत्तमाः
सांप्रतं कुरु तं यत्नान्मा विलंबं वृथा कृथाः
अगस्त्य उवाच नानासंभारमधुरं कृतसर्वस्वदक्षिणम्
नानाविधेन दानेन मुनिसंतोषहर्षकृत्
तेषु विश्वेषु यातेषु पूजितेषु गृहान्स्वकान् 2.8.4.
तेन यज्ञेन विधिवद्विहितेन नरेश्वरः
तत्रांतरे समभ्यायान्मुनिर्यमवतां वरः
दक्षिणार्थं गुरोर्द्धीमान्पावितुं तं नरेश्वरम्
मद्दक्षिणेति गुरुणा निर्बन्धाद्याचितो रुषा रघुं भूपालतिलकं दत्तसर्वस्वदक्षिणम्
तमागतमभिप्रेत्य रघुरादरतस्तदा सपर्य्यासीत्तस्य सर्वा मृत्पात्रविहितक्रिया
पूजासंभारमालोक्य तादृशं तं मुनीश्वरः उवाच मधुरं वाक्यं वाक्यज्ञानविशारदः
गुर्वर्थाहरणायैव दत्तसर्वस्वदक्षिणम्
क्षणं ध्यात्वाऽब्रवीदेनं विनयाद्विहितांजलिः
यावद्यतिष्ये भगवन्भवदर्थार्थमुच्चकैः ।। 2.8.4.
प्रतस्थे च रघुस्तत्र कुबेरविजिगीषया
तमायांतं कुबेरोऽथ विज्ञाप्य वचनोदितैः
स्वर्णवृष्टिरभूद्यत्र सा स्वर्णखनिरुत्तमा
तस्मै समर्पयामास तां रघुः खनिमुत्तमाम्
राज्ञे निवेदयामास सर्वमन्यद्गुणाधिकः