न जीयते तथा कालस्तपसा योगयुक्तिभिः
विनायज्ञैर्विनादानैर्विना व्रतजपादिभिः
काशीप्राप्तिरयं योगःकाथीप्राप्तिरिदं तपः
कः कलिकोथवा कालः का जरा किं च दुष्कृतम्
कलिस्तानेव बाधेत कालस्तांश्च जिघांसति
एनांसि तांश्च बाधंते ये न काशीं समाश्रिताः तारकं ज्ञानमासाद्य ते मुक्ताः कर्मपाशतः
धनिनो न तथा सौख्यं प्राप्नुवंति नराः क्वचित्
वरं काशीसमावासी नासीनो द्युसदां पदम्
स्थितोपि भगवनीशो मंदरं चारुकंदरम् 4.1.42.
काशीं संत्याजयामास कथमागाच्च मंदरात्
तपसा तस्य संतुष्टो मंदरस्यैव भूभृतः
गते विश्वेश्वरे देवे मंदरं गिरिसुंदरम्
क्षेत्राणि वैष्णवानीह त्यक्त्वा विष्णुरपि क्षितेः
स्थानानि गाणपत्यानि गणेशोपि ततो व्रजत्
सूरः सौराणि संत्यज्य गतश्चायतनादरम्
गतेषु देवसंघेषु पृथिव्याः पृथिवीपतिः
विधाय राजधानीं स वाराणस्यां सुनिश्चलाम्
सूर्यवत्स प्रतपिता दुर्हृदां हृदि नेत्रयोः
अखंडमाखंडलवत्कोदंडकलयन्रणे 4.1.43.
स धर्मराजवज्जातो धर्माधर्मविवेचकः
धनंजय इवाधाक्षीत्परारण्यान्यनेकशः
सोभूत्पुण्यजनाधीशो रिपुराक्षसवर्धनः
राजराजः स एवाभूत्सर्वेषां धनदः सताम्
विश्वेषां स हि देवानां तपसा रूपधृग्यतः
असाध्यः स हि साध्यानां वसुभ्यो वसुनाधिकः
मरुद्गणानगणयंस्तुषितांस्तोषयन्गुणैः
अगर्वानेव गंधर्वान्यश्चक्रे निजगीतिभिः
नागानागांसि चक्रुश्च तस्य नागबलीयसः
जाता गुह्यचरा यस्य गुह्यकाः परितो नृषु 4.1.43.
वयं यतस्त्वद्विषये सुरावासोऽपि दुर्लभः आशुगश्चाशुगामित्वं पावमाने पथिस्थितः