शस्ता ग्रीवा त्रिरेखांका त्वव्यक्तास्थिः सुसंहता
स्थूलग्रीवा च विधवा वक्रग्रीवा च किंकरी 4.1.37.
चिबुकंद्वयंगुलं शस्तं वृत्तं पीनं सुकोमलम्
हनुश्चिबुकसंलग्ना निर्लोमा सुघनाशुभा
शस्तौ कपोलौ वामाक्ष्याः पीनौ वृत्तौ समुन्नतौ
समं समांसं सुस्निग्धं स्वामोदं वर्तुलं मुखम्
पाटलो वर्तुलः स्निग्धो लेखाभूषितमध्यभूः
कृशः प्रलंबः स्फुटितो रूक्षो दौर्भाग्यसूचकः
मसृणो मत्तकाशिन्याश्चोत्तरोष्ठः सुभोगदः
गोक्षीरसन्निभाः स्निग्धा द्वात्रिंशद्दशनाः शुभाः
पीताः श्यावाश्च दशनाः स्थूलादीर्घाद्विपंक्तयः
अधस्तादधिकैर्दंतैर्मातरं भक्षयेत्स्फुटम् 4.1.37.
गोक्षीरवर्णविशदे सुस्निग्धे कृष्णपक्ष्मणी 4.1.37.
रोमशेन शिरालेन प्रांशुना रोगिणी मता ।। 4.1.37.
कृष्णः स एव भर्तृघ्न्याः पुंश्चल्याश्च प्रकीर्तितः 4.1.37.
सा पतिं हंति वर्षेण यस्या मध्ये कृकाटिकम् 4.1.37.
अतः सुलक्षणा योषा परिणेया विचक्षणैः 4.1.37.
लक्षणानि मयोक्तानि सुखाय गृहमेधिनाम्
स्कंद उवाच गांधर्वो राक्षसश्चापि पैशाचोऽष्टम उच्यते
स ब्राह्मो वरमाहूय यत्र कन्या स्वलंकृता
यज्ञस्थायर्त्विजे दैवस्तज्जःपाति चतुर्दश
सहोभौ चरतां धर्ममित्युक्त्वा दीयतेर्थिने
चत्वार एते विप्राणां धर्म्याः पाणिग्रहाः स्मृताः
प्रसह्यकन्याहरणाद्राक्षसो निंदितः सताम्
प्रायः क्षत्रविशोरुक्ता गांधर्वासुरराक्षसाः
सवर्णया करो ग्राह्यो धार्यः क्षत्रियया शरः
असवर्णस्त्वेष विधिः स्मृतो दृष्टश्च वेदने
धर्म्यैर्विवाहैर्जायंते धर्म्या एव शतायुषः 4.1.38.
ऋतुकालाभिगमनं धर्मोयं गृहिणः परः
दिवाभिगमनं पुंसामनायुष्यं परं मतम्