सा पांसुला प्रजायेत कुलत्रयविनाशिनी
सा निहत्य पतिं योषा द्वितीयं कुरुते पतिम् 4.1.37.
पतिद्वयं निहंत्याद्या द्वितीया च पतित्रयम्
प्रदेशिनी भवेद्यस्या अंगुष्ठाव्यतिरेकिणी
स्निग्धाः समुन्नतास्ताम्रा वृत्ताः पादनखाः शुभाः
राज्ञीत्वसूचकं स्त्रीणां पादपृष्ठं समुन्नतम्
दरिद्रा मध्यनम्रेण शिरालेन सदाध्वगा
गूढौ गुल्फौ शिवायोक्तावशिरालौ सुवर्तुलौ
समपार्ष्णिः शुभा नारी पृथुपार्ष्णिश्च दुर्भगा
रोमहीने समे स्निग्धे यज्जंघे क्रमवर्तुले
एकरोमा राजपत्नी द्विरोमा च सुखावहा
वृत्तं पिशितसंलग्नं जानुयुग्मं प्रशस्यते 4.1.37.
विशिरैः करभाकारैरूरुभिर्मसृणैर्घनैः
वैधव्यं रोमशैरुक्तं दौर्भाग्यं चिपिटैरपि
चतुर्भिरंगुलैः शस्ता कटिर्विंशतिसंयुतैः
विनता चिपिटा दीर्घा निर्मांसासंकटाकटिः
नितंबबिंबो नारीणामुन्नतो मांसलः पृथुः
कपित्थफलवद्वृत्तौ मृदुलौ मांसलौ घनौ
शुभः कमठपृष्ठाभो गजस्कंधोपमो भगः
आखुरोमा गूढमणिः सुश्लिष्टः संहतः पृथुः
कुरंगखुररूपोयश्चुल्लिकोदरसन्निभः
शंखावर्तो भगो यस्याः सा गर्भमिह नेच्छति 4.1.37.
विकटः कुटिलाकारो लंबगल्लस्तथाऽशुभः
भगस्य भालं जघनं विस्तीर्णं तुंगमांसलम्
वामावर्तं च निर्मांसं भुग्नवैधव्यसूचकम्
बस्तिः प्रशस्ता विपुला मृद्वीस्तोकसमुन्नता
गंभीरा दक्षिणावर्ता नाभी स्यात्सुखसंपदे
सूते सुतान्बहून्नारी पृथुकुक्षिः सुखास्पदम्
उन्नतेन वलीभाजा सावर्तेनापि कुक्षिणा
समैः समांसैर्मृदुभिर्योषिन्मग्नास्थिभिः शुभैः