पक्ष्म भ्रूकर्णभालानि मौलि सीमंतमौलिजाः
स्त्रीणां पादतलं स्निग्धं मांसलं मृदुलं समम् 4.1.37.
रूक्षं विवर्णं परुषं खंडितप्रतिबिंबकम्
चक्र स्वस्तिक शंखाब्ज ध्वजमीनातपत्रवत्
भवेदखंडभोगायोर्द्ध्वामध्यांगुलिसंगता
उन्नतो मांसलोंगुष्ठो वर्तुलोतुलभोगदः
विधवा विपुलेन स्याद्दीर्घांगुष्ठेन दुर्भगा
दीर्घांगुलीभिः कुलटा कृशाभिरतिनिर्धना
चिपिटाभिर्भवेद्दासी विरलाभिर्दरिद्रिणी
हत्वा बहूनपि पतीन्परप्रेष्या तदा भवेत्
सा पांसुला प्रजायेत कुलत्रयविनाशिनी
सा निहत्य पतिं योषा द्वितीयं कुरुते पतिम् 4.1.37.
पतिद्वयं निहंत्याद्या द्वितीया च पतित्रयम्
प्रदेशिनी भवेद्यस्या अंगुष्ठाव्यतिरेकिणी
स्निग्धाः समुन्नतास्ताम्रा वृत्ताः पादनखाः शुभाः
राज्ञीत्वसूचकं स्त्रीणां पादपृष्ठं समुन्नतम्
दरिद्रा मध्यनम्रेण शिरालेन सदाध्वगा
गूढौ गुल्फौ शिवायोक्तावशिरालौ सुवर्तुलौ
समपार्ष्णिः शुभा नारी पृथुपार्ष्णिश्च दुर्भगा
रोमहीने समे स्निग्धे यज्जंघे क्रमवर्तुले
एकरोमा राजपत्नी द्विरोमा च सुखावहा
वृत्तं पिशितसंलग्नं जानुयुग्मं प्रशस्यते 4.1.37.
विशिरैः करभाकारैरूरुभिर्मसृणैर्घनैः
वैधव्यं रोमशैरुक्तं दौर्भाग्यं चिपिटैरपि
चतुर्भिरंगुलैः शस्ता कटिर्विंशतिसंयुतैः
विनता चिपिटा दीर्घा निर्मांसासंकटाकटिः
नितंबबिंबो नारीणामुन्नतो मांसलः पृथुः
कपित्थफलवद्वृत्तौ मृदुलौ मांसलौ घनौ
शुभः कमठपृष्ठाभो गजस्कंधोपमो भगः
आखुरोमा गूढमणिः सुश्लिष्टः संहतः पृथुः