अध्यापयेच्छुचीञ्शिष्यान्हितान्मेधासमन्वितान् 4.1.35.
ॐभूर्भुवःस्वःस्वाहेति विप्रो दद्यात्तथाहुतिम् 4.1.35.
प्रतिगृह्णंत्विमं पिंडं काका भूमौ मयार्पितम् 4.1.35.
विधायान्नमनग्नं तदुपरिष्टादधस्तथा 4.1.35.
अंगुष्ठमात्रः पुरुषस्त्वंगुष्ठं च समाश्रितः 4.1.35.
अग्निश्चेति च मंत्रेण विधायाचमने सुधीः 4.1.35.
उद्देशतः समाख्यातो ह्येष नित्यतमो विधिः
स्कंद उवाच पुनर्विशेषं वक्ष्यामि सदाचारस्य कुंभज
ब्राह्मणाः क्षत्रिया वैश्यास्त्रयो वर्णा द्विजाः स्मृताः
एषां क्रियानिषेकादि श्मशानांता च वैदिकी
स्पंदनात्प्राक्पुंसवनं सीमंतोन्नयनं ततः
नामाह्न्येकादशे गेहाच्चतुर्थेमासि निष्क्रमः
शममेनो व्रजेदेवं बैजं गर्भजमवे च
सप्तमेथाष्टमेवाब्दे सावित्रीं ब्राह्मणोर्हति
ब्रह्मतेजोभिवृद्ध्यर्थं विप्रोब्देपंचमेर्हति
महाव्याहृतिपूर्वं च वेदमध्यापयेद्गुरुः
पूर्वोक्तविधिना शौचं कुर्यादाचमनं तथा 4.1.36.
स्नात्वांबुदैवतैर्मंत्रैः प्राणानायम्य यत्नतः
अग्निकार्यं ततः कृत्वा ब्राह्मणानभिवादयेत्
अभिवादनशीलस्य वृद्धसेवारतस्य च
अधीते गुरुणा हूतः प्राप्तं तस्मै निवेदयेत्
अध्याप्याधर्मतोनार्थात्साध्वाप्तज्ञानवित्तदाः
धारयेन्मेखलादंडोपवीताजिनमेव च
ब्राह्मणक्षत्रियविशामादिमध्यावसानतः
वाग्यतो गुर्वनुज्ञातो भुंजीतान्नमकुत्सयन्
अनारोग्यमनायुष्यमस्वर्ग्यंचातिभोजनम्
न द्विर्भुंजीत चैकस्मिन्दिवा क्वापि द्विजोत्तमः 4.1.36.
मधुमांसं प्राणिहिंसां भास्करालोकनांजने
औपनायनिकः कालो ब्रह्मक्षत्र विशां परः
इतोप्यूर्ध्वं न संस्कार्याः पतिता धर्मवर्जिताः