नागाश्च शेषप्रमुखान्गजानैरावतादिकान्
स्मरेदरुंधतीमुख्याः पतिव्रतवतीर्वधूः 4.1.35.
विश्वेशादीनि लिंगानि वेदानृक्प्रमुखानपि
प्रणवादिमहाबीजं नारदादींश्च वैष्णवान्
वदान्यांश्च दधीच्यादीन्हरिश्चंद्रादि भूपतीन्
पितरं च गुरूंश्चापि हृदि ध्यात्वा प्रसन्नधीः
ग्रामाद्धनुःशतं गच्छेन्नगराच्च चतुर्गुणम्
कर्णोपवीत्युदग्वक्त्रो दिवसे संध्ययोरपि
न तिष्ठन्नाप्सु नो विप्र गो वह्न्यनिल संमुखः
नालोकयेद्दिशोभागाञ्ज्योतिश्चक्रं नभोमलम्
अथो मृदं समादाय जंतुकर्करवर्जिताम्
गुह्ये दद्यान्मृदं चैकां पायौ पंचांबुसां तराः 4.1.35.
एकैकां पादयोर्दद्यात्तिस्रः पाण्योर्मृदस्तथा
क्रमाद्द्वैगुण्यमेतस्माद्ब्रह्मचर्यादिषु त्रिषु
रुज्यर्धं च तदर्धं च पथि चौरादि बाधिते
अपि सर्वनदीतोयैर्मृत्कूटैश्चापि गोमयैः
आर्द्रधात्रीफलोन्माना मृदः शौचे प्रकीर्तिताः प्रागास्य उदगास्योवा सूपविष्टः शुचौ भुवि
अनुष्णाभिरफेनाभिरद्भिर्हृद्गाभिरत्वरः
कंठगाभिर्नृपः शुद्ध्येत्तालुगाभिस्तथोरुजः
शिरः प्रावृत्य कंठं वा जले मुक्तशिखोऽपि च
त्रिः पीत्वांबु विशुद्ध्यर्थं ततः खानि विशोधयेत् 4.1.35.
अंगुलीभिस्त्रिभिः पश्चात्पुनरास्यं स्पृशेत्सुधीः
अंगुष्ठानामिकाग्राभ्यां चक्षुः श्रोत्रे पुनः पुनः
स्पृष्ट्वा तलेन हृदयं समस्ताभिः शिरः स्पृशेत्
आचांतः पुनराचामेत्कृते रथ्योपसर्पणे
सुप्त्वा वासः परीधाय तथा दृष्ट्वाप्यमंगलम्
अथो मुखविशुद्ध्यर्थं गृह्णीयाद्दंतधावनम्
प्रतिपद्दर्शषष्ठीषु नवम्यां रविवासरे
अलाभे दंतकाष्ठानां निषिद्धे वाथ वासरे
कनिष्ठाग्र परीमाणं सत्वचं निर्व्रणं ऋजुम्