तापत्रितयसंहर्त्री तेजोबलविवर्धिनी
त्रैलोक्यपावनी पुण्या तुष्टिदा तुष्टिरूपिणी
तपोमयी तपोरूपा तपःस्तोम फलप्रदा
त्रैलोक्यसुंदरी तुर्या तुर्यातीतपदप्रदा
तेजोगर्भा तपःसारा त्रिपुरारि शिरोगृहा
तरिस्तरणिजामित्रं तर्पिताशेषपूर्वजा
दारिद्र्यदमनी दक्षा दुष्प्रेक्षा दिव्यमंडना
दर्शितानेककुतुका दुष्टदुर्जयदुःखहृत् 4.1.29.
दंदशूकविषघ्री च दारिताघौघसंततिः
दमग्राह्या देवमाता देवलोकप्रदर्शिनी
दीर्घायुःकारिणी दीर्घा दोग्ध्री दूषणवर्जिता
द्युनदी दीनशरणं देहिदेहनिवारिणी
दूरदेशांतरचरी दुर्गमा देववल्लभा
दुरासदा दानशीला द्राविणी द्रुहिणस्तुता
दानसारा दयासारा द्यावाभूमिविगाहिनी
दीर्घव्रता दीर्घदृष्टिर्दीप्ततोया दुरालभा
दुरोदरघ्नी दावार्चिर्द्रवद्रव्यैकशेवधिः
दरीविदारणपरा दांता दांतजनप्रिया 4.1.29.
धर्मद्रवा धर्मधुरा धेनुर्धीरा धृतिर्ध्रुवा
धर्मोर्मिवाहिनी धुर्या धात्री धात्रीविभूषणम्
ध्यातृपापहरा ध्येया धावनी धूतकल्मषा
धर्माधर्मगुणच्छेत्त्री धत्तूरकुसुमप्रिया
धर्मलभ्या धर्मजला धर्मप्रसवधर्मिणी
? धूर्धूर्जटिजटासंस्था धन्या धीर्धारणावती
निषिद्धविघ्ननिचया निजानंदप्रकाशिनी
निर्मला निर्मलाख्याना नाशिनीतापसंपदाम्
नदीनदसरोमाता नायिका नाकदीर्घिका
निर्णिक्ताशेषभुवना निःसंगा निरुपद्रवा 4.1.29.
परमैश्वर्यजननी प्रज्ञा प्राज्ञा परापरा 4.1.29.
विद्याधरी विशोका च वयोवृंदनिषेविता 4.1.29.