छुरितामृतधारौघा छिन्नैनाश्छंदगामिनी
जाह्नवी ज्या जगन्माता जप्या जंघालवीचिका
जीवनं जीवनप्राणा जगज्ज्येष्ठा जगन्मयी
जाड्यविध्वंसनकरी जगद्योनिर्जलाविला
जनलोचनपीयूषा जटातटविहारिणी
झल्लरी वाद्यकुशला झलज्झालजलावृता
टीकिताशेषपाताला टंकिकैनोद्रिपाटने
डंबरप्रवहाडीन राजहंसकुलाकुला 4.1.29.
ढौकिताशेषनिर्वाणा ढक्कानादचलज्जला
तर्पणीतीर्थतीर्था च त्रिपथा त्रिदशेश्वरी
तापत्रितयसंहर्त्री तेजोबलविवर्धिनी
त्रैलोक्यपावनी पुण्या तुष्टिदा तुष्टिरूपिणी
तपोमयी तपोरूपा तपःस्तोम फलप्रदा
त्रैलोक्यसुंदरी तुर्या तुर्यातीतपदप्रदा
तेजोगर्भा तपःसारा त्रिपुरारि शिरोगृहा
तरिस्तरणिजामित्रं तर्पिताशेषपूर्वजा
दारिद्र्यदमनी दक्षा दुष्प्रेक्षा दिव्यमंडना
दर्शितानेककुतुका दुष्टदुर्जयदुःखहृत् 4.1.29.
दंदशूकविषघ्री च दारिताघौघसंततिः
दमग्राह्या देवमाता देवलोकप्रदर्शिनी
दीर्घायुःकारिणी दीर्घा दोग्ध्री दूषणवर्जिता
द्युनदी दीनशरणं देहिदेहनिवारिणी
दूरदेशांतरचरी दुर्गमा देववल्लभा
दुरासदा दानशीला द्राविणी द्रुहिणस्तुता
दानसारा दयासारा द्यावाभूमिविगाहिनी
दीर्घव्रता दीर्घदृष्टिर्दीप्ततोया दुरालभा
दुरोदरघ्नी दावार्चिर्द्रवद्रव्यैकशेवधिः
दरीविदारणपरा दांता दांतजनप्रिया 4.1.29.
धर्मद्रवा धर्मधुरा धेनुर्धीरा धृतिर्ध्रुवा
धर्मोर्मिवाहिनी धुर्या धात्री धात्रीविभूषणम्