ऊर्ध्वरेतःप्रियोर्ध्वाध्वा ह्यूर्मिलोर्ध्वगतिप्रदा
ऋतंभरर्द्धिदात्री च ऋक्स्वरूपा ऋजुप्रिया
एधिताऽखिलधर्मार्थात्वेकैकामृतदायिनी
ऐश्वर्यदैश्वर्यरूपा ह्यैतिह्यं ह्यैंदवी द्युतिः
ओष्ठामृतौन्नत्यदात्री त्वौषधं भवरोगिणाम्
अंबराध्ववहांऽवष्ठां वरमालांबुजेक्षणा
अंशुमालाह्यंशुमती त्वंगीकृतषडानना
कल्याणकारिणी काम्या कमलोत्पलगंधिनी 4.1.29.
कांचनाक्षी कामधेनुः कीर्तिकृत्क्लेशनाशिनी
कमलाक्षी क्लमहरा कृशानुतपनद्युतिः
कामरूपाक्रियाशक्तिः कमलोत्पलमालिनी
कमलाकल्पलतिका कालीकलुषवैरिणी
कालकृटप्रशमनी कदंबकुसुमप्रिया
क्रांतलोकत्रयाकंडूः कंडूतनयवत्सला
खेखेलगामिनी खस्था खंडेंदुतिलकप्रिया
खंडितप्रणताघौघा खलबुद्धिविनाशिनी
खरसंतापशमनी खनिः पीयूषपाथसाम्
गंभीरांगी गुणमयी गतातंका गतिप्रिया 4.1.29.
गांधारी गर्भशमनी गतिभ्रष्टगतिप्रदा
गोत्रप्रवर्धिनी गुण्या गुणातीता गुणाग्रणीः
गुणनीयचरित्रा च गायत्री गिरिशप्रिया
ग्रहपीडाहरा गुंद्रा गरघ्नी गानवत्सला
घंटारवप्रिया घोराऽघौघविध्वंसकारिणी
घातुका घृर्णितजला घृष्टपातकसंततिः
घृणावती घृणनिधिर्घस्मरा घूकनादिनी
चंद्रिका चंद्रकांतांबुश्चंचदापा चलद्युतिः
चांपेयलोचना चारुश्चार्वंगी चारुगामिनी
चंपश्चंदनशुच्यंबुश्चर्चनीया चिरस्थिरा 4.1.29.
चिदाकाशवहाचिंत्या चंचच्चामरवीजिता
छेदिताखिलपापौघा छद्मघ्नी छलहारिणी