अशेषविघ्नसंहर्त्री त्वशेषगुणगुंफिता
अभिरामाऽनवद्यांग्यनंतसाराऽकलंकिनी
आश्चर्यमूर्तिरायुष्या ह्याढ्याऽऽद्याऽऽप्राऽऽर्यसेविता
आलस्यघ्न्यापदां हंत्री ह्यानंदामृतवर्षिणी
इतिहासश्रुतीड्यार्था त्विहामुत्रशुभप्रदा इज्याशीलसमिज्येष्ठा त्विंद्रादिपरिवंदिता
इलालंकारमालेद्धा त्विंदिरारम्यमंदिरा
ईतिभीतिहरेड्या च त्वीडनीय चरित्रभृत्
उदितांबरमार्गोस्रोरगलोकविहारिणी 4.1.29.
उदन्वत्पूर्तिहेतुश्चोदारोत्साहप्रवर्धिनी
उत्पत्ति स्थिति संहारकारिण्युपरिचारिणी
ऊर्ध्वरेतःप्रियोर्ध्वाध्वा ह्यूर्मिलोर्ध्वगतिप्रदा
ऋतंभरर्द्धिदात्री च ऋक्स्वरूपा ऋजुप्रिया
एधिताऽखिलधर्मार्थात्वेकैकामृतदायिनी
ऐश्वर्यदैश्वर्यरूपा ह्यैतिह्यं ह्यैंदवी द्युतिः
ओष्ठामृतौन्नत्यदात्री त्वौषधं भवरोगिणाम्
अंबराध्ववहांऽवष्ठां वरमालांबुजेक्षणा
अंशुमालाह्यंशुमती त्वंगीकृतषडानना
कल्याणकारिणी काम्या कमलोत्पलगंधिनी 4.1.29.
कांचनाक्षी कामधेनुः कीर्तिकृत्क्लेशनाशिनी
कमलाक्षी क्लमहरा कृशानुतपनद्युतिः
कामरूपाक्रियाशक्तिः कमलोत्पलमालिनी
कमलाकल्पलतिका कालीकलुषवैरिणी
कालकृटप्रशमनी कदंबकुसुमप्रिया
क्रांतलोकत्रयाकंडूः कंडूतनयवत्सला
खेखेलगामिनी खस्था खंडेंदुतिलकप्रिया
खंडितप्रणताघौघा खलबुद्धिविनाशिनी
खरसंतापशमनी खनिः पीयूषपाथसाम्
गंभीरांगी गुणमयी गतातंका गतिप्रिया 4.1.29.
गांधारी गर्भशमनी गतिभ्रष्टगतिप्रदा
गोत्रप्रवर्धिनी गुण्या गुणातीता गुणाग्रणीः